పయనించే సూర్యుడు ఫిబ్రవరి 10 షాద్నగర్ నియోజకవర్గం ఇంచార్జ్ మేఘావత్ నరేందర్ నాయక్ )ఆదివారం హైదరాబాద్ లోని సరూర్ నగర్ ఇండోర్ స్టేడియంలో న్యూ డ్రాగన్ ఫైటర్స్ మార్షల్ ఆర్ట్స్ అసోసియేషన్ అధ్యర్యంలో జరిగిన 4th ఇంటర్నేషనల్ ఓపెన్ టు ఆల్ స్టైల్స్ కరాటే అండ్ కుంగ్ ఫు ఛాంపియన్ షిప్ - 2025 లో షాద్ నగర్ కు చెందిన న్యూ పవర్ కుంగ్ ఫు అకాడమీ విద్యార్థులు అద్భుతమైన ప్రదర్శన కనబర్చి మెడల్స్, సర్టిఫికెట్స్, కప్ గెలుపొందారు. ఈ కార్యక్రమానికి ముఖ్య అతిథులు గా సినీ యాక్టర్స్ భానుచందర్, గౌతమ్ నంద పాల్గొని గెలుపొందిన విద్యార్థులకు మెడల్స్, సర్టిఫికెట్స్ అందచేసిన అభినందించారు. ఈ సందర్బంగా న్యూ పవర్ కుంగ్ ఫు అకాడమీ మాస్టర్స్ బాలరాజ్, అహ్మద్ ఖాన్ లు భానుచందర్, గౌతమ్ నంద లను శాలువ తో సన్మానం చేశారు. ఈ సందర్బంగా వారు మాట్లాడుతూ నేటి సమాజం లో చిన్నపిల్లలపై అఘాయిత్యాలు పెరిగిపోతున్నాయని ఆడపిల్లలకు రక్షణ లేకుండా పోయిందని కుంగ్ ఫు, కరాటే లతో ఆత్మరక్షణ తో పాటు శరీరం దృడంగా ఉంటుందని దీని ద్వారా మేధస్సు శక్తివంతం అవుతుందని తెలిపారు. ప్రతిఒక్కరు కుంగ్ ఫు, కరాటే నేర్చుకోవాలని అన్నారు.