పయనించే సూర్యుడు నిర్మల్ జిల్లా బ్యూరో కలువెలుగుల చక్రపాణి

భక్తి ఉత్సాహంతో మారుమోగిన గ్రామం నిర్మల్ జిల్లా కామోల్ గ్రామం

అఖండ హరినామ సప్త మహోత్సవం భక్తి పరవశంలో ఘనంగా ముగిసింది. వారం రోజుల పాటు సాగిన ఈ ఆధ్యాత్మిక కార్యక్రమంలో గ్రామస్తులు పెద్ద ఎత్తున పాల్గొని భక్తి భావంతో పాల్గొన్నారు.సప్త ముగింపు సందర్భంగా గ్రామంలో పల్లకి ఊరేగింపు వైభవంగా జరిగింది. దేవుని విగ్రహాలను పల్లకిలో ఊరేగిస్తూ గ్రామ వీధులంతా ప్రదర్శన నిర్వహించారు. ఈ సందర్భంగా మహిళలు మంగళహారతులు పట్టి భక్తి శ్రద్ధలతో పాల్గొన్నారు. భజన మండలి సభ్యులు భక్తి గీతాలు ఆలపిస్తూ, సత్యనామాలు చేస్తూ గ్రామంలో ఆధ్యాత్మిక వాతావరణాన్ని సృష్టించారు. “జై శ్రీరామ్”, “జై పాండురంగ” నినాదాలతో గ్రామమంతా మారుమోగింది.
ఈ కార్యక్రమం ద్వారా గ్రామంలో ఐక్యత, భక్తి, ఆధ్యాత్మికత పెంపొందిందని పెద్దలు పేర్కొన్నారు. చివరిగా మహాప్రసాదం పంపిణీ చేసి కార్యక్రమాన్ని విజయవంతంగా ముగించారు.