పయనించే సూర్యుడు డిసెంబర్ 12 ఖమ్మం జిల్లా బ్యూరో గుగులోత్ భావుసింగ్ నాయక్

సర్పంచ్ అభ్యర్థి భూక్య నర్సి లాలు ప్రచార జోరు పెంచిన కాంగ్రెస్ నాయకులు

గార్లఓడ్డు గ్రామపంచాయతీ ఎన్నికల నేపథ్యంలో కాంగ్రెస్ పార్టీ ప్రచారం దూకుడు మీద సాగుతోంది. గ్రామంలోని మార్గాలన్నీ సందడి చేస్తూ పార్టీ కార్యకర్తలు, నాయకులు భారీగా ర్యాలీలు నిర్వహించారు. ఇంటింటికి వెళ్లి ప్రజలకు కాంగ్రెస్ పార్టీ విధానాలను పరిచయం చేస్తూ, తమ అభ్యర్థి విజయం కోసం కృషి చేశారు.కాంగ్రెస్ పార్టీ సర్పంచ్ అభ్యర్థిగా పోటీ చేస్తున్న భూక్య నర్సి,లాలు గ్రామ అభివృద్ధే తమ లక్ష్యమని ప్రజలకు తెలియజేశారు. ఆయన అభ్యర్థిత్వానికి మద్దతుగా పార్టీ నాయకులు, కార్యకర్తలు పెద్ద సంఖ్యలో సమావేశాలు, డోర్ టు డోర్ ప్రచారాలు నిర్వహిస్తున్నారు. గ్రామ ప్రజలతో మాట్లాడిన నర్సి,లాలు సమగ్ర అభివృద్ధి, గ్రామానికి అవసరమైన మౌలిక సదుపాయాల కల్పన, పేదలకు సంక్షేమం వంటి అంశాలను ప్రధాన అజెండాగా ప్రకటించినట్లు తెలిపారు.ప్రచారంలో పాల్గొన్న కాంగ్రెస్ నాయకులు, కార్యకర్తలు కత్తెర గుర్తుకు మద్దతు తెలపాలని గ్రామ ప్రజలను కోరుతూ ఉత్సాహభరిత నినాదాలతో ప్రచారాన్ని మరింత వేగవంతం చేశారు. గ్రామంలోని యువత నుంచి పెద్దల వరకు అనేక మంది ప్రచార కార్యక్రమాలకు హాజరయ్యారు.గార్లఓడ్డు పంచాయతీలో ఎన్నికల వేడి పెరుగుతున్న వేళ, భూక్య నర్సి లాలు ప్రచార జోరు గ్రామ రాజకీయాలను మరింత ఉత్కంఠభరితంగా మార్చింది.