పయనించే సూర్యుడు న్యూస్ | మార్చి 28 | తెలంగాణ స్టేట్ ఇంచార్జ్: శ్రీనివాస్ రెడ్డి

కూకట్‌పల్లి పరిధిలోని దేవిస్థానం ప్రాంతం శనివారం రాజకీయ, సామాజిక వర్గాల సందడితో కళకళలాడింది. కాంగ్రెస్ పార్టీ సీనియర్ నాయకుడు గొట్టిముక్కల జశ్వంత్ రావు (దేశాల్) జన్మదిన వేడుకలు ఆయన నివాసంలో ఘనంగా నిర్వహించబడ్డాయి. ఈ సందర్భంగా పలువురు ప్రముఖులు, మిత్రులు, శ్రేయోభిలాషులు హాజరై శుభాకాంక్షలు తెలిపారు.తెలంగాణ రాష్ట్ర బీసీ నాయకుడు, జర్నలిస్టు తెల్ల హరికృష్ణ ప్రత్యేకంగా హాజరై జశ్వంత్ రావును శాలువాతో సత్కరించారు. అనంతరం పూల బొకేలు అందజేసి, ఆయనకు జన్మదిన శుభాకాంక్షలు తెలియజేశారు. ఈ సందర్భంగా జశ్వంత్ రావు సామాజిక సేవలో, ప్రజా సమస్యల పరిష్కారంలో నిరంతరం ముందుండాలని ఆకాంక్షించారు. వేడుకలో కొమ్ము బాబు, రవి, సురేష్ కుమార్, కరుణాకర్ గౌడ్, విష్ణువర్ధన్, అనిల్ కుమార్ తదితరులు పాల్గొని జశ్వంత్ రావుకు హృదయపూర్వక శుభాకాంక్షలు తెలియజేశారు. కార్యక్రమం స్నేహపూర్వక వాతావరణంలో సాగి, ఆత్మీయతకు నిదర్శనంగా నిలిచింది.
జన్మదిన వేడుకలు కేవలం శుభాకాంక్షలకే పరిమితం కాకుండా, నాయకుల మధ్య ఉన్న అనుబంధాన్ని మరోసారి ప్రతిబింబించాయని స్థానికులు అభిప్రాయపడ్డారు.