ఎస్ఎఫ్ఐ జిల్లా కార్యదర్శి ధర్మ భిక్షం

పయనించే సూర్యుడు జనవరి 31(జనగామ ప్రతినిధి కమ్మ గాని నాగన్న)జనగామ జిల్లా విద్యాశాఖ అధికారి పై చర్యలు తీసుకోవాలని ఎస్ ఎఫ్ ఐ జిల్లా కమిటీ ఆధ్వర్యంలో జిల్లా కలెక్టర్ కి ఫిర్యాదు చేశారు ఈ సందర్భంగా ఎస్ఎఫ్ఐ జిల్లా కార్యదర్శి ధర్మభిక్షం మాట్లాడుతూ గత రెండు నెలలు క్రితం దేవరుప్పుల మండలంలోని బాలయేసు స్కూల్ పై ఫిర్యాదు చేస్తే కనీసం విచారణ కూడా జరపకుండా బాలాయేసు స్కూల్ యాజమాన్యంకి తొత్తుగా వ్యవహరిస్తు చర్యలు తీసుకోవడంలో విఫలం అయ్యారని,బాలయేసు పాఠశాల ప్రభుత్వ నిభందానాలకు వ్యతిరేఖంగా విద్యాహక్కు చట్టానికి వ్యతిరేకంగా వ్యవహరిస్తుందని,అదే విధంగా అనుభవం లేని డ్రైవర్స్ తో బస్సులను నడుపుతుందని, డీటీవో కూడా ఇచ్చిన ఫిర్యాదు పై విచారణ జరపకుండా తన ఇష్టానసారంగా విచారణ జరిపి అవగాహన కలిపించకుండా చేతులు దుల్పుకున్నారని,శిక్షణ లేని డ్రైవింగ్ లైసెన్స్ లేని డ్రైవర్లతో 100 మంది విద్యార్థులను బస్సులలో కిక్కిరిసి తరలిస్తండగా ప్రమాదాలు జరిగినప్పుడు ఎవరు బాధ్యత వహించాలని,విద్యార్థుల తల్లదండ్రుల నుండి ఇష్టాను సారంగా ఫీజులు వసూలు చేస్తున్నారని,జివో నంబర్ 1 విద్యా హక్కు చట్టం ప్రకారం ఫీజులు వసూలు చేయాలని,నిభందనలు ఉన్న కూడా చట్టాన్ని ఉల్లంఘిస్తున్నారని,స్కూల్ యాజమాన్యం నిర్లక్యం వలన రెండు నెలల క్రితం పేద విద్యార్థి బస్సు కింద పడి చనిపోతే రాజకీయ నాయకుల అండదండలతో రాజీ చేసుకున్నారని,అదే విధంగా స్కూల్ లో అనేక సమస్యలు ఉన్న కూడా జిల్లా విద్యశాఖాధికారులకు మాయ మాటలు చెప్పి తనకు అనుకూలంగా చేసుకుంటున్నారని,రెండు నెలల నుండి జిల్లా విద్యాశాఖ అధికారులు కనీసం విచారణ జరపకుండా స్కూల్ యాజమాన్యంకు సానుకూలంగా ఉండటం ఏమిటని?జిల్లా అదనపు కలక్టర్,జిల్లా కలక్టర్ గార్లు గతంలో డీఈవోకి విచారణ జరిపి నివేదిక ఇవ్వాలని కోరిన ఇప్పటికీ నివేదిక ఇవ్వకపోవడం పై అనేక అనుమానాలు వ్యక్తం అవుతున్నాయని,వెంటనే జిల్లా కలక్టర్ విచారణ జరిపి డిఇవో డిటి వొ పై పై చర్యలు తీసుకోవాలని,అదే విధంగా స్కూల్ యాజమాన్యంపై క్రిమినల్ కేసులు నమోదు చేయాలని,విద్యార్థులను అనేక రకాలుగా మానసిక ఇబ్బంది పెడుతున్నారని,జిల్లా కలక్టర్ స్పందించి చర్యలు తీసుకోవాలని,లేని యెడల ఉద్యమాలు చేస్తామని హెచ్చరించారు.ఈ కార్యక్రమంలో ఎస్ఎఫ్ఐ నాయకులు సుమ,ఆర్య, తదితరులు పాల్గొన్నారు.