పయనించే సూర్యుడు నవంబర్30

మూఢనమ్మకాల నిర్మూలన సంఘం వ్యవస్థాపకులు డాక్టర్ బైరి నరేష్ గత 30 సంవత్సరాలుగా మూఢనమ్మకాల నిర్మూలన కోసం పాటు పడుతున్న మన కాలపు సంఘ సంస్కర్త. ఆయన గత మూడు సంవత్సరాల క్రితం అంబేద్కర్ విగ్రహ ఆవిష్కరణ సందర్భంగా అయ్యప్ప జననం గూర్చి మాట్లాడిన మాటలను పదిహేను రోజుల తర్వాత బిజేపి మూకలు కుట్ర చేసి అయ్యప్ప మాల దారులను రెచ్చగొట్టి వివాదాస్పదం చేసిన విషయం మీకు తెలిసిందే. స్టేషన్ బేయిల్ ఇవ్వ వలసిన కేసులో డా బైరి నరేష్ ని అరెస్ట్ చేసి 46 రోజుల పాటు జైలు పాలు చేసారు. అనంతరం బైరి నరేష్ సోషల్ మీడియా ద్వారా తన ఆలోచనలను బలంగా వినిపించారు. అది జీర్ణించు కోని బిజేపి మరియు దాని అనుబంధ సంఘాలు పోలీసు వాహనంలో ప్రయాణిస్తున్న బైరి నరేష్ పై  భౌతికంగా దాడి చేసారు. ఇది జరిగి మూడు సంవత్సరాలు అవుతుంది.
ఆయన నాస్తిక సంఘం వీడి తాను తన భార్య సుజాత టీచర్ కలిసి మూఢనమ్మకాల నిర్మూలన సంఘం స్థాపించారు. నిరంతరం అనేక గ్రామాలు పల్లెలు తిరుగుతూ ప్రజలను చైతన్య పరుస్తున్నారు. దక్షిణ భారతదేశంలో ఆరు రాష్ట్రాల్లో సంఘాన్ని విస్తరించారు.  తమ లాంటి వారిని వేలాది మందిని సమీకరిస్తూ, సమాజ చైతన్యంలో ఎనలేని కృషి చేస్తున్నారు.ఆయన తనను తాను మలుచుకొని, మెరుగు పరుచుకొని, కేవలం మూఢనమ్మకాల పై దృష్టి పెట్టారు.అన్ని మతాల వారితో కలిసిమెలిసి నడుస్తూ మూఢనమ్మకాల నష్టాలను వివరిస్తున్నారు. ప్రస్తుతం డా. బైరి నరేష్ కి రెండు లక్షల పాతిక వేల మంది అనుచరులు ఉన్నారు. దాదాపు 100 జిల్లాలో MNS సంఘం కమిటీలు ఉన్నాయి.ఒక పరిశోధకుడు, తెలంగాణ ఉద్యమకారుడు, విద్యా వంతుడు ఉన్నత చదువులు అనేకం చదివిన ఆయన మూఢనమ్మకాల పై పరిశోధన చేసి ఉస్మానియా యూనివర్సిటీ నుండి డాక్టరేట్ పొందారు. అటువంటి ఆయన నవంబర్ 30 ఆదివారం రోజు గద్వాలలో ఒక పెళ్ళి కార్యక్రమానికి అతిథిగా హాజరవడం కోసం శనివారం రాత్రి గద్వాల్ టౌన్ వచ్చారు. తన స్నేహితుడి ఇంట్లో సంతోషం గుడిపారు.ఈరోజు అనగా ఆదివారం తాను ఒక పెళ్ళిలో పాల్గొన వలసి ఉంది. తనను కలవడానికి జిల్లా నలుమూలల  నుండి పలవురు అభిమానులు కార్యకర్తలు గద్వాల్ చేసుకుంటుండగా, ఉదయం 6:00 గంటల సమయంలో గద్వాల్ పోలీసులు డా. బైరి నరేష్ ని అక్రమంగా అరెస్ట్ చేసారు.
తనపై వచ్చిన ఫిర్యాదు ఏమిటి అని, ఎందుకు అరెస్ట్ చేస్తున్నారు, ఎక్కడికి తీసుకు పోతారు అని అడిగితే పోలీసులు ఎటువంటి సమాధానం ఇవ్వలేదు. ఆయనపై దురుసుగా ప్రవర్తించారు. బైరి నరేష్ చట్టాన్ని గౌరవిస్తూ తన సొంత వాహనంలో పోలీస్ స్టేషన్ వస్తాను అని చెప్పిన పోలీసులు ఏమాత్రం వినకుండా, ఒక నేరస్తుడిలాగా, ఉగ్రవాది ట్రీట్ చేసారు. పెళ్ళి చోటికి వెళ్ళి ఎటువంటి ప్రసంగం చేయనని నూతన జంటకు అంబేద్కర్ ఫోటో ఇచ్చి మీతో వస్తాను అని చెప్పిన వినకుండి బలవంతంగా పోలీసు వాహనంలో ఎక్కించారు. వాహనం ఎక్కిన గంట వరకు డా. బైరి నరేష్ వద్ద ఫోన్ ఉంది. తన చేతిలో ఉన్న ఫోన్ ద్వారా ఒక వీడియో పోస్ట్ చేసి నరేష్ పోస్ట్ చేసారు. అనంతరం రెండు గంటల తర్వాత తన యూట్యూబ్ ఛానల్ లో లైవ్ పెట్టి తనను ఎందుకు అరెస్ట్ చేసారు, ఎక్కడికి తీసుకుపోతున్నారో తన అడ్వకేట్ కి మరియు తన కుటుంబానికి తెలపండి అని గట్టిగా పోలీసులను నిలదీసారు. , పదిమంది పోలీసుల వచ్చి తన స్నేహితుడి ఇంటి నుండి అక్రమంగా ఆయన్ని అదుపులోకి తీసుకుని ఎటు  తీసుకు పోతున్నారో తెలుసుకోవడం చాలా దుర్మార్గం. ఒక సామాజిక ఉద్యమకారుడు, లక్షలాది మంది అనుచరులు ఉన్న ఒక నాయకుడిని అరెస్ట్ చేసి కారణం చెప్పకుండా ఉండటం చాలా దారుణం. పోలీసుల ని గంటల తరబడి వాహనంలో తిప్పుతున్నారు, తన ఫోన్ స్పిచ్ ఆఫ్ అయ్యింది.  ఆయనను పోలీసులు ఏమి చేస్తారో అనే ఆందోళనలో అందరూ ఉన్నారు.పోలీసు అధికారులు వెంటనే ఆయన్ను విడుదల చేయాలి. ఎందుకు అరెస్ట్ చేసారో పౌర సమాజానికి వివరణ ఇవ్వాలి.
లేదంటే సమాజ మార్పు కోరే ప్రతి వ్యక్తి రోడ్ పైకి వస్తారని తెలుపుతున్నాము.చట్టాన్ని ఉల్లంఘించే ఆకతాయిలను, చట్టాన్ని గౌరవించని వారి కోసం ప్రజలను చైతన్య పరిచే వారి పట్ల పోలీసుల ప్రవర్తన బాధాకరం. సోషల్ మీడియాలో ఆయన పెట్టిన వీడియో కు అనేక ప్రజా సంఘాలు వేగంగా స్పందిస్తున్నదుకు మూఢనమ్మకాల నిర్మూలన సంఘం యూత్ వింగ్ తరుపున కృతజ్ఞతలు.మనం మరింత స్పందించవలసి ఉంది.ఆయన్ని వెంటనే విడుదల చేయాలి.ఆయన ఏదైనా నేరం చేస్తే చట్టపరమైన చర్యలు తీసుకో వచ్చు. దానికి MNS పూర్తిగా సహకరిస్తుంది. దీనిపై ప్రజాస్వామిక వాదులు, ప్రజా సంఘాల వారు, సామాజిక ఉద్యమకారులు స్పదించవలసిందిగా పిలుపునిస్తున్నాము.అన్ని జిల్లాలలో డా. బైరి నరేష్ అక్రమ అరెస్ట్ నిరసిస్తూ నిరసన కార్యక్రమాలు చేయవలసిందిగా పిలుపు ఇస్తున్నాము. ప్రతి MNS సభ్యుడు నాయకుడు ఖండిస్తూ సోషల్ మీడియాలో పోస్ట్ లు పెట్టగలరు. మీ దగ్గరలోని అంబేద్కర్ విగ్రహం వద్ద నిరసన కార్యక్రమం చేయగలరని MNS నారాయణపేట జిల్లా ప్రచార కార్యదర్శి కె లక్ష్మీకాంత్ కోరుతున్నారు