కాలువ వ్యవస్థ లేక అవస్థల్లో న్యూ రాఘవేంద్ర కాలనీకి ఊరట..

ఎమ్మెల్యే వీర్లపల్లి శంకర్ చలువతో అండర్ డ్రైనేజీ పనులు ప్రారంభం..

ఏఎంసీ డైరెక్టర్ కరుణాకర్ కృషితో స్పందించిన ఎమ్మెల్యే..

( పయనించే సూర్యుడు సెప్టెంబర్ 23 షాద్ నగర్ నియోజకవర్గం ఇన్చార్జ్ నరేందర్ నాయక్ )

కాలువ వ్యవస్థ సక్రమంగా లేక దుర్గంధంతో తీవ్ర ఇబ్బందులు పడుతున్న షాద్ నగర్ పట్టణంలోని న్యూ రాఘవేంద్ర కాలనీలో అంతర్గత కాలువ నిర్మాణం పనులు మంగళవారం ప్రారంభమయ్యాయి. ఏఎంసీ డైరెక్టర్ కరుణాకర్, న్యూ రాఘవేంద్ర కాలనీ సొసైటీ సభ్యుల కృషితో ఎమ్మెల్యే వీర్లపల్లి శంకర్ దృష్టికి సమస్యను తీసుకువెళ్లారు. స్పందించిన ఎమ్మెల్యే వెంటనే కాలువ మంజూరు చేశారు. ఈ సందర్భంగా కాలువ నిర్మాణానికి కృషి చేసిన ఎమ్మెల్యేకు ఏఎంసీ డైరెక్టర్ కరుణాకర్ తో పాటు, న్యూ రాఘవేంద్ర కాలనీ సొసైటీ సభ్యులు కృతజ్ఞతలు తెలిపారు. అదేవిధంగా కాలనీ కమిటీ తరఫున ఏడవ వార్డు పార్టీ ఇంచార్జ్ కొప్పునూరు ప్రవీణ్ కు కూడా కృతజ్ఞతలు తెలియజేశారు..