పయనించే సూర్యుడు బాపట్ల ఏప్రిల్ 2:-రిపోర్టర్ (కే శివకృష్ణ )

జనసేన పార్టీకి ఈ రోజు మరో కీలక చేరిక జరిగింది. బాపట్ల పట్టణానికి చెందిన ప్రముఖ సామాజిక కార్యకర్త, న్యాయవాది బండి రామ్మూర్తి జనసేన పార్టీలో చేరారు. ఈ కార్యక్రమం ఉమ్మడి గుంటూరు జిల్లా అధ్యక్షుడు గాదే వెంకటేశ్వరరావు సమక్షంలో గుంటూరు జనసేన పార్టీ కార్యాలయంలో జరిగింది ఈ సందర్భంగా బండి రామ్మూర్తి మాట్లాడుతూ, "జనసేన పార్టీ ప్రజల సంక్షేమం, సమాజంలో న్యాయం, సామాజిక బాధ్యతలను పెద్దగౌరవంగా తీసుకుంటుంది. నేను ఎంతో కాలంగా ఈ పార్టీని క్షేత్రస్థాయిలో పర్యవేక్షిస్తూ, వారి ఆశయాలు, లక్ష్యాలు తెలుసుకున్నాను. ప్రజల సేవ, సమాజం యొక్క అభివృద్ధి కోసం నేను జనసేన పార్టీలో చేరాను. నా కృషి, సహకారం ఈ పార్టీకి ఉపయోగపడుతుందని నమ్మకం" అని చెప్పారు. జనసేన ఉమ్మడి గుంటూరు జిల్లా అధ్యక్షుడు గాదే వెంకటేశ్వరరావు మాట్లాడుతూ, "బండి రామ్మూర్తి గతంలో బాపట్ల పట్టణంలో చాలా సామాజిక కార్యక్రమాలను చేపట్టి ప్రజలకు సేవలు అందించారు. ఆయన యొక్క చేరిక జనసేన పార్టీకి ఒక గొప్ప బలంగా మారుతుంది. ఆయన పార్టీలో చేరడం, జనసేన పార్టీకి మరింత శక్తిని ఇవ్వడం ఖాయం" అని తెలిపారు. ఈ కార్యక్రమంలో గుంటూరు జిల్లా కార్యదర్శి గుంటుపల్లి తులసి కుమారి విన్నకోట సురేష్, కర్లపాలెం మండల అధ్యక్షుడు గోట్టిపాటి శ్రీకృష్ణ, బాపట్ల టౌన్ నాయకులు కారుమూరి అంజనేష్, దాసరి వినోద్, తిరుమలశెట్టి సాగర్, పెద్ది నాగు, ఏరు బుల్లియ పాల్గొన్నారు.