సంస్థాగత రాష్ట్ర ప్రధాన కార్యదర్శి నూకల మధుకర్

పయనించే సూర్యుడు జూలై 24 ముమ్మిడివరం ప్రతినిధి( గ్రంధి నానాజీ)భారతీయ జనతా పార్టీ డాక్టర్ బి.ఆర్. అంబేద్కర్ కోనసీమ జిల్లా పదాధికారుల సమావేశం అమలాపురంలోని హోటల్ సత్యనారాయణ విలాస్ హాల్‌లో జిల్లా అధ్యక్షులు అడబాల సత్యనారాయణ అధ్యక్షతన జరిగింది.ఈ సమావేశానికి ముఖ్య అతిథిగా పార్టీ సంస్థాగత రాష్ట్ర ప్రధాన కార్యదర్శి నూకల మధుకర్ హాజరయ్యారు. రాష్ట్ర ప్రధాన కార్యదర్శి సాలగ్రామ లక్ష్మీ ప్రసన్న, జిల్లా ఇన్‌చార్జ్ కరంకి శ్రీనివాస్ తో కలిసి నియోజకవర్గాల వారీగా జిల్లా నాయకులతో సమీక్ష నిర్వహించారు. బి.ఎల్.ఎ 2 పని విధానం, పార్టీ సంస్థాగత నిర్మాణం, బూత్ కమిటీల బలోపేతం, సభ్యత్వ విస్తరణ, రాబోయే రాజకీయ, సంస్థాగత కార్యక్రమాలు, స్థానిక సంస్థల ఎన్నికల సన్నద్ధతపై చర్చించారు.కార్యకర్తలే పార్టీకి బలంఈ సందర్భంగా నూకల మధుకర్ మాట్లాడుతూ భారతీయ జనతా పార్టీ బలం కార్యకర్తలేనని అన్నారు. బూత్ స్థాయి నుంచి పార్టీని పటిష్ఠం చేయడమే రాబోయే ఎన్నికల్లో విజయానికి పునాది అని చెప్పారు. ప్రతి గ్రామంలో పార్టీ కార్యక్రమాలు నిరంతరం కొనసాగాలని, ప్రజా సమస్యలపై నాయకులు, కార్యకర్తలు క్షేత్రస్థాయిలో పనిచేస్తూ ప్రజల విశ్వాసాన్ని పెంపొందించాలని సూచించారు.స్థానిక సంస్థల ఎన్నికలను దృష్టిలో పెట్టుకుని ఇప్పటి నుంచే సమర్థులైన సర్పంచ్, ఎంపీటీసీ, జెడ్పీటీసీ అభ్యర్థులను గుర్తించి సిద్ధం చేయాలన్నారు. ప్రతి శక్తికేంద్రం, ప్రతి బూత్ విజయానికి బాధ్యత తీసుకోవాలని పిలుపునిచ్చారు. కేంద్ర ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ఇంటింటికీ తీసుకెళ్లి ప్రజలకు వివరించాలని కోరారు.ఓటరు జాబితా ప్రత్యేక సమీక్షపై దృష్టి
ఎన్నికల సంఘం చేపడుతున్న స్పెషల్ ఇంటెన్సివ్ రివిజన్ ప్రక్రియను ప్రతి కార్యకర్త బాధ్యతగా తీసుకోవాలన్నారు. అర్హులైన ప్రతి పౌరుడి పేరు ఓటరు జాబితాలో నమోదయ్యేలా కృషి చేయాలని, మరణించిన వారు లేదా ఇతర ప్రాంతాలకు మారిన వారి పేర్లను నిబంధనల మేరకు తొలగించే ప్రక్రియకు సహకరించాలని చెప్పారు. ఓటరు జాబితా పారదర్శకంగా, తప్పులు లేకుండా ఉండటం ప్రజాస్వామ్యానికి కీలకమన్నారు. ప్రతి బూత్ కమిటీ తమ పరిధిలోని ఓటరు జాబితాను పరిశీలించి అవసరమైన దరఖాస్తులను సమర్పించాలని సూచించారు.జిల్లా, నియోజకవర్గ, మండల స్థాయిల్లో క్రమం తప్పకుండా సమీక్షలు నిర్వహిస్తూ పార్టీ సంస్థాగత వ్యవస్థను బలోపేతం చేయాలని, ప్రతి కార్యకర్త సేవాభావంతో పనిచేస్తే కోనసీమ జిల్లాలో బీజేపీ బలమైన రాజకీయ శక్తిగా ఎదుగుతుందని విశ్వాసం వ్యక్తం చేశారు.ఈ సమావేశంలో రాష్ట్ర ప్రధాన కార్యదర్శి సాలగ్రామ లక్ష్మీ ప్రసన్న, జిల్లా ఇన్‌చార్జ్ కరంకి శ్రీనివాస్, మాజీ శాసనసభ్యులు మానేపల్లి అయ్యాజీ వేమా, రాష్ట్ర అధికార ప్రతినిధి నల్ల పవన్ కుమార్, గుంటూరు జిల్లా ఇన్‌చార్జ్ యాళ్ల దొరబాబు, సీనియర్ నాయకులు కర్రీ చిట్టిబాబు, తమలపూడి రామకృష్ణారెడ్డి, పాలూరి సత్యానందం, జిల్లా పదాధికారులు, నియోజకవర్గ పదాధికారులు, మండల అధ్యక్షులు పాల్గొన్నారు.