ఎస్టి జాతీయ కమిషన్ జాటోత్ హుస్సేన్ నాయక్ కి వినతి పత్రం అందజేసిన గొండ్వానా సంక్షేమ పరిషత్ నాయకులు.

పయనించే సూర్యుడు: ఏప్రిల్ 05: ములుగు జిల్లా వాజేడు మండల ప్రతినిధి. రామ్మూర్తి.ఎ.

నూగూరు వెంకటాపురం: ములుగు జిల్లా నూగూరు మండలంలోని చిరుత పల్లి గ్రామంలో శనివారం బాండ్ మొక్కజొన్న వేసి ప్రాణాలు కోల్పోయిన రైతు కుంటుంబాలను పరామర్శించడానికి వచ్చిన జాతీయ ఎస్టి కమిషనర్ జాటోత్ హుస్సేన్ నాయక్ ని కలిసి గొండ్వానా సంక్షేమ పరిషత్ ఆధ్వర్యంలో భద్రాచలం కేంద్రంగా న్యాయ కళాశాల ఏర్పాటు చేయాలని వినతి పత్రం అందజేయడం జరిగింది. ఈ సందర్భంగా గొండ్వానా సంక్షేమ పరిషత్ రాష్ట్ర కార్యదర్శి పూనెం సాయి మాట్లాడుతూ,ఏజెన్సీ ప్రాంతమైన భద్రాచలం కేంద్రంగా ఒక న్యాయ కళాశాల ఏర్పాటు చేయాలని అన్నారు,ఆదిమ జాతి తెగలు వెనుక బడి ఉన్నారని, మా చట్టాలు జీవోలు పూర్తి స్థాయిలో అమలు కావాలంటే మాకు ప్రత్యేకంగా న్యాయ కళాశాల ఏర్పాటు చేస్తే మా జీవన విధానానికి ఎంతో తోడ్పడుతుందని ఈ సందర్భంగా అన్నారు. ఈ రాష్ట్ర ప్రభుత్వానికి ఎన్నో ఫిర్యాదు చేసినప్పటికీ ధర్నాలు,రాస్తారో చేసినప్పటికీ ఈ ప్రభుత్వం ఆదివాసులపై నిరంకుశ విధానాన్ని చూపుతుందని మండిపడ్డారు. కేంద్ర ప్రభుత్వ ద్వారా భద్రాచలం కేంద్రంగా న్యాయ కళాశాల ఏర్పాటు చేసి ఆదివాసి జీవన విధానానికి తోడ్పడేలా చూడాలని కోరారు. ఈ యొక్క కార్యక్రమంలో భాగంగా ములుగు జిల్లా అధ్యక్షుడు పూనెం ప్రతాప్,వెంకటాపురం మండల నాయకులు పర్శిక అనిల్,పూనెం అర్జున్, బాబురావు ఈ కార్యక్రమంలో పాల్గొన్నారు.