పయనించే సూర్యుడు నిజాంబాద్ జిల్లా బ్యూరో టికే గంగాధర్

నిజమాబాద్ జిల్లాలో కురిసిన భారీ వర్షాల వల్ల రోడ్లు,బ్రిడ్జిలు పాడు అయినాయి అలాగే వేల ఎకరాల పంట కూడా నష్టపోవడం జరిగింది. ఈ సందర్భంగా బాల్కొండ నియోజకవర్గంలోని మోతె,భీంగల్,బడా భీంగల్ గ్రామాలలో వరదకు దెబ్బతిన్న రోడ్లు,బ్రడ్జి మరియు పాడైన పంటలను సంబంధిత అధికారులు మరియు నాయకులతో కలిసి పరిశీలించిన మాజీ మంత్రి,ఎమ్మెల్యే వేముల ప్రశాంత్ రెడ్డి. బాల్కొండ నియోజకవర్గంలో కప్పల వాగు,పెద్దవాగు చాలా ఉధృతంగా ప్రవహించాయి పైన నిజాంబాద్ రూరల్ నియోజకవర్గంలో పలు చెరువులు తెగటంతో కప్పల వాగు కు వరద ఉధృతి ఎక్కువగా రావడం జరిగింది దీనివల్ల పెద్ద మొత్తంలో బాల్కొండ నియోజకవర్గంలో పంట దెబ్బతింది ప్రిలిమినరి లెక్కల ప్రకారం 1162 ఎకరాల్లో వరి 95 ఎకరాల్లో మక్క,35 ఎకరాల్లో సొయా పంట దెబ్బతింది అని వ్యవసాయ అధికారులు చెప్పారు కానీ ఏ గ్రామానికి వెళ్లిన రైతులు మా పంట నష్టపోయింది అని అంటున్నారు.కావున మరొక్కసారి పంట నష్టం పై క్షేత్ర స్థాయిలో పూర్తి వివరాలు తీసుకొని ప్రభుత్వానికి నివేదించాలని వ్యవసాయ అధికారులకు సుచించారు. నష్టపోయిన వరి పంటకు,మొక్క జొన్న, సోయా పంటకు ఎకరానికి 25 వేల రూపాయలు నష్టపరిహారం ఇవ్వాలని ప్రభుత్వాన్ని డిమాండ్ చేశారు. వేల్పూర్ రామన్న పేట దారిలో కల్వర్టు,రోడ్ దెబ్బతింది వేల్పూర్ మోతె మధ్యలో ఉన్న రోడ్ కల్వర్టు పూర్తి గా శిథిలావస్థకు చేరింది.గతంలో నూతన కల్వర్టు కొరకు నిధులు మంజూరు కాగా ఈ ప్రభుత్వం నిలిపివేసింది.మళ్ళీ ప్రభుత్వానికి కల్వర్టు నిర్మాణానికి అంచనాలు తయారు చేసి ప్రభుత్వానికి పంపించాలి అని అధికారులను ఆదేశించారు ఆర్మూర్ భీంగల్ మార్గంలో కప్పలవాగు పై ఉన్న హై లెవల్ బ్రిడ్జ్ వరద ఉధృతికి ఒక బిట్ గడర్ పక్కకు జరిగింది.దీని నష్ట అంచనాలు త్వరగా వేసి ప్రభుత్వానికి నివేదించాలి అని ఎస్.ఈ కి సూచించారు.భీంగల్ బడా భీంగల్ రోడ్డు పూర్తి స్థాయిలో దెబ్బ తినడంతో తాత్కాలిక మరమ్మత్తులు చేయాలని రోడ్డు పునరుద్ధరించడానికి అంచనాలు తయారు చేసి ప్రభుత్వానికి పంపాలని ఎమ్మెల్యే అన్నారు. అలాగే కమ్మర్పల్లి ఉప్లూర్ రోడ్ కోతకు గురి అయ్యింది తాత్కాలిక మరమ్మత్తులు చేయాలని అధికారులకు ఎమ్మెల్యే తెలిపారు. నియోజకవర్గంలో భారీ వర్షాల వల్ల ఆర్.అండ్ బి మరియు మంచాయతి రాజ్ మరియు ఇరిగేషన్ శాఖలో జరిగిన నష్టాలను అంచనా వేసి ప్రభుత్వానికి పంపినట్లైతే నేను కూడా సంబంధిత మంత్రులకు నష్టం పై నివేదించి పనులు త్వరగా పూర్తి అయ్యేలా కృషి చేస్తానన్నారు మోతె లో దెబ్బతిన్న పంటను పరిశీలించిన ఎమ్మెల్యే వేముల కప్పల వాగు వరద ఉధృతికి మోతె గ్రామనికి చెందిన నర్సారెడ్డి మరియు మహేష్ రైతుల మొక్కజొన్న పంట 5 ఎకరాల్లో పూర్తిగా తినడంతో వ్యవసాయ అధికారులతో కలిసి ఎమ్మెల్యే పరిశీలించారు.పంట నష్టాన్ని ప్రభుత్వానికి నివేదించాలని అధికారులను ఆదేశించారు. ప్రజాలేవరు ప్రవాహల వద్దకు వెళ్ళకండి..స్వీయ నియంత్రణ పాటించండి…వేముల ఇంకా రెండు మూడు రోజులు భారీ వర్షాలు కురిసే అవకాశం ఉన్నదని సమాచారం ఉంది కావున ప్రజలు ఎవరు కూడా వాగులు,చెరువులు,కుంటల వద్దకు వెళ్లవద్దని ఎమ్మెల్యే ప్రజలను కోరారు.