పయనించే సూర్యుడుD.13.7.2026 నిజామాబాద్ జిల్లా స్టాపర్ టీ కే గంగాధర్.బాల్కొండ నియోజకవర్గం లో భీంగల్ మండల కేంద్రంలో ముక్కోటి దేవతలను వేడుకున్న ఎమ్మెల్యే ప్రశాంత్ రెడ్డికులమతాలకు అతీతంగా భీంగల్ ఊర పండుగ.. ప్రజలందరికీ ఎమ్మెల్యే వేముల ప్రశాంత్ రెడ్డి పండుగ శుభాకాంక్షలుబాల్కొండ శాసనసభ్యులు వేముల ప్రశాంత్ రెడ్డిభీంగల్ పట్టణంలో అత్యంత భక్తిశ్రద్ధలతో, వైభవంగా జరుగుతున్న "ఊర పండుగ" మహోత్సవంలో బాల్కొండ శాసనసభ్యులు (MLA) వేముల ప్రశాంత్ రెడ్డి ముఖ్య అతిథిగా పాల్గొన్నారు. ఈ సందర్భంగా ఆయన ముక్కోటి దేవతలకు ప్రత్యేక పూజలు నిర్వహించి, నియోజకవర్గ ప్రజల క్షేమం కోసం ప్రార్థించారు.కులమతాలకు అతీతంగా ఘనంగా ఊర పండుగభీంగల్ పట్టణ ప్రజలందరూ కులమతాలకు, అన్ని వర్గాల కుల సంఘాలకు అతీతంగా, చిన్న-పెద్ద తేడా లేకుండా ఏకతాటిపైకి వచ్చి ఈ ఊర పండుగను ఒక పండుగ వాతావరణంలో ఘనంగా జరుపుకోవడం పట్ల ఎమ్మెల్యే వేముల ప్రశాంత్ రెడ్డి హర్షం వ్యక్తం చేశారు. ఈ సామూహిక ఉత్సవంలో తాను భాగస్వామి కావడం, భక్తిశ్రద్ధలతో ఆ దేవతామూర్తులను దర్శించుకోవడం ఆనందంగా ఉందని పేర్కొన్నారు.సమృద్ధిగా వర్షాలు కురవాలని ప్రత్యేక ప్రార్థనలుభీంగల్ ప్రాంతంలో అత్యధిక శాతం ప్రజలు వ్యవసాయ రంగంపైనే ఆధారపడి జీవిస్తున్నారని ఎమ్మెల్యే గుర్తుచేశారు. ప్రస్తుతం ఆశించిన స్థాయిలో వర్షాలు లేకపోవడంతో రైతాంగం ఇబ్బందులు ఎదుర్కొంటోందని ఆయన ఆవేదన వ్యక్తం చేశారు. ఈ నేపథ్యంలో, ఆ దేవతామూర్తులు కరుణించి తక్షణమే సమృద్ధిగా వర్షాలు కురిపించాలని, తద్వారా పంటలు బాగా పండి, భీంగల్‌లోని ప్రతి ఒక్క రైతు కుటుంబంలో, ప్రతి ఇంట్లో సంతోషం నిండాలని తాము మనస్ఫూర్తిగా మొక్కుకున్నట్లు వెల్లడించారు.భీంగల్ పట్టణ ప్రజలు ఎంతో మంచివారని, అమాయకులని ఎమ్మెల్యే ప్రశాంత్ రెడ్డి కొనియాడారు. ఇంతటి నిష్కల్మషమైన ప్రజలు భక్తితో పెట్టుకున్న మొక్కులను ఆ దేవతలు తప్పక మన్నిస్తారని ఆయన పూర్తి విశ్వాసం వ్యక్తం చేశారు. త్వరలోనే వర్షాలు పడి, ఈ ప్రాంతం సుభిక్షంగా మారుతుందని ఆశాభావం వ్యక్తం చేశారు.ఈ పండుగ సందర్భంగా భీంగల్ పట్టణ ప్రజలందరికీ, వివిధ కుల సంఘాల నాయకులకు, భీంగల్ విడీసీ (VDC) సభ్యులకు, ఎమ్మెల్యే ఊర పండుగ హృదయపూర్వక శుభాకాంక్షలు తెలియజేశారు. ఈ కార్యక్రమంలో స్థానిక నాయకులు, ప్రజాప్రతినిధులు, వివిధ కుల సంఘాల ప్రతినిధులు మరియు భీంగల్ పట్టణ ప్రజలు పెద్ద సంఖ్యలో పాల్గొన్నారు.