షాద్నగర్ మాజీ మున్సిపల్ చైర్మన్ నరేందర్, వైస్ చైర్మన్ ఎమ్మెస్ నటరాజన్ లకు ఘనంగా సన్మానం

సన్మాన కార్యక్రమంలో మాజీ మంత్రులు శ్రీనివాస్ గౌడ్, జగదీశ్ రెడ్డి, ఎమ్మెల్సి నవీన్ రెడ్డి, ఎమ్మెల్యే విజయుడు, మాజీ ఎమ్మెల్యే గొంగడి సునీత

( పయనించే సూర్యుడు షాద్నగర్ నియోజకవర్గం ఇంచార్జ్ మెగావత్ నరేందర్ నాయక్ )

తెలంగాణ రాష్ట్రంలో గతంలోనే సర్పంచ్ ఎంపీటీసీల కాలం ముగిసిపోయింది. ప్రస్తుతం మున్సిపాలిటీ చైర్మన్ వైస్ చైర్మన్ పదవి కాలం కూడా ముగిసింది. గత ఐదు సంవత్సరాలుగా మున్సిపల్ చైర్మన్ వైస్ చైర్మన్లు బీఆర్ఎస్ పార్టీ తరఫున తమ అద్భుత రాజకీయ కౌశల్యాన్ని ప్రదర్శించి ప్రజలకు చేరువై ఎన్నో సంక్షేమ పథకాలు ప్రజలకు అందించి, నిత్యం ప్రజలకు అందుబాటులో ఉంటూ అభివృద్ధి సంక్షేమ పథకాలను పాలుపంచుకుంటూ ప్రజాభిమానం చూరగోని తమ పదవీకాలం పూర్తి చేశారు. తమ అద్భుత ప్రతిభ కనబరిచి ప్రజాభిమానాన్ని చూరగొన్న చైర్మన్లు వైస్ చైర్మన్లు తమ పదవీకాలం పూర్తి చేసిన సందర్భంగా తెలంగాణ భవన్ లో తమ అద్భుత ప్రతిపను కనబరిచి బీఆర్ఎస్ పార్టీని నలు దిశలవ్యాప్తం చేసిన మున్సిపల్ చైర్మన్లకి వైస్ చైర్మన్ లకి బీఆర్ఎస్ వర్కింగ్ ప్రెసిడెంట్ కల్వకుంట్ల తారక రామారావు ఘనంగా సన్మానం చేశారు. ఈ సన్మాన కార్యక్రమంలో షాద్ నగర్ మున్సిపల్ చైర్మన్ కొందుటి నరేందర్, వైస్ చైర్మన్ నటరాజ్ లకు బీఆర్ఎస్ వర్కింగ్ ప్రెసిడెంట్ కేటీఆర్ సన్మానం చేయగా కేటీఆర్ వెంట మాజీ మంత్రులు శ్రీనివాస్ గౌడ్, జగదీశ్ రెడ్డి, ఎమ్మెల్సి నవీన్ రెడ్డి, ఎమ్మెల్యే విజయుడు, మాజీ ఎమ్మెల్యే గొంగుడి సునీత పాల్గొన్నారు. ఈ సన్మాన కార్యక్రమానికి షాద్ నగర్ నుండి బిఆర్ఎస్ నాయకులు కేశంపేట మాజీ ఎంపిపి రవిందర్ యాదవ్, కడెంపల్లి శ్రీనివాస్ గౌడ్, ఎస్ బి పల్లి సత్య నారాయణ తదితరులు హాజరయ్యారు.