విద్య, ఉద్యోగం, వ్యాపారాలు లక్ష్యంగా పెట్టుకోవాలి

- పాలమూరు యూనివర్సిటీ వైస్ చాన్స్ లర్, ప్రొఫెసర్ జిఎల్ శ్రీనివాస్ యాదవ్

యాదవుల అభ్యున్నతికి ఎల్లప్పుడు పాటుపడతా

- అఖిలభారత యాదవ మహాసభ రాష్ట్ర అధ్యక్షుడు చింతల రవీంద్రనాథ్ యాదవ్

( పయనించే సూర్యుడు జనవరి 27 షాద్నగర్ నియోజకవర్గం ఇన్చార్జ్ మెగావాత్ నరేందర్ నాయక్ )

హైదరాబాద్ లో కార్వాన్ యాదవ సంఘం కార్యాలయంలో అధ్యక్షుడు బోడి అశోక్ యాదవ్ అధ్యక్షతన నిర్వహించిన అఖిలభారత యాదవ మహాసభ తెలంగాణ రాష్ట్ర సమావేశానికి ముఖ్య అతిథులుగా జాతీయ కార్యదర్శి ఆర్.లక్ష్మణ్ తో పాటు పాలమూరు యూనివర్సిటీ వైస్ ఛాన్స్ లర్ జి.ఎల్.శ్రీనివాస్ యాదవ్ మరియు రాష్ట్ర అధ్యక్షుడు చింతల రవీంద్రనాథ్ యాదవ్ లు విచ్చేసి సేవ, రాజకీయ రంగాల్లో విశిష్ట సేవలందించి పలువురికి ఆదర్శంగా నిలిచిన వారికి సన్మాన కార్యక్రమం నిర్వహించారు. ఈ కార్యక్రమంలో అంతర్జాతీయ సేవ రత్న అవార్డు గ్రహీత నడికూడ రఘునాథ్ యాదవ్ కు మరియు రంగారెడ్డి జిల్లా షాద్ నగర్ గ్రేడ్-వన్ శాఖ గ్రంథాలయం అభివృద్ధి కమిటీ వైస్ చైర్మన్ గా నియమితులైన నక్క బాల్ రాజ్ యాదవ్ లను ఘనంగా సన్మానించారు. ఈ సందర్భంగా వారు మాట్లాడుతూ యాదవులు విద్యా ఉద్యోగం మరియు వ్యాపార రంగాల్లో ముందున్నట్లయితే రాజకీయ రంగాల్లో అవలీలగా రాణిస్తామని పాలమూరు యూనివర్సిటీ వైస్ ఛాన్సలర్ జిఎల్ శ్రీనివాస్ యాదవ్ అన్నారు.
ఆర్థికంగా వెనుకబడిన యాదవకుల విద్యార్థులకు మరియు వారి యొక్క అభివృద్ధికి నేను ఎల్లవేళలా ముందుంటానని అలాగే సేవా రంగాల్లో మరియు రాజకీయ రంగాల్లో కష్టపడే వారికి తన వంతు సహాయం ఎల్లప్పుడూ ఉంటుందని రాష్ట్ర అధ్యక్షుడు చింతల రవీంద్రనాథ్ యాదవ్ అన్నారు. అఖిల భారత యాదవ మహాసభ రాష్ట్ర కార్యవర్గ సమావేశానికి ప్రత్యేకంగా మమ్ములను ఆహ్వానించి పూల బొకే, షాలువాలతో ఇంత ఘనంగా సత్కరించిన యాదవ సంఘం పెద్దలకు అఖిలభారత యాదవ మహాసభ రంగారెడ్డి జిల్లా ప్రధాన కార్యదర్శి అంతర్జాతీయ సేవా రత్న అవార్డు గ్రహీత నడికూడ రఘునాథ్ యాదవ్ మరియు గ్రేడ్-వన్ శాఖ గ్రంథాలయ అభివృద్ధి కమిటీ వైస్ చైర్మన్ నక్క బాల్ రాజ్ యాదవ్ లు సంతోషాన్ని వ్యక్తం చేస్తూ అభినందనలు తెలిపారు. ఈ కార్యక్రమంలో అఖిల భారత యాదవ మహాసభ జాతీయ ప్రధాన కార్యదర్శి ఆర్.లక్ష్మణ్ యాదవ్, రాష్ట్ర ప్రధాన కార్యదర్శి రాజేందర్ యాదవ్, రాష్ట్ర యువత అధ్యక్షుడు గొర్ల యశ్వంత్ యాదవ్, జిల్లా ఉపాధ్యక్షుడు పద్మారం వెంకటేష్ యాదవ్, షాద్ నగర్ తాలూకా అధ్యక్షుడు షాబాద్ మల్లేష్ యాదవ్, యువత జిల్లా ఉపాధ్యక్షుడు దావాజీ శ్రీనివాస్ యాదవ్ మరియు జిల్లా, రాష్ట్ర నాయకులు పాల్గొన్నారు.