పయనించే సూర్యుడు న్యూస్ :రాజ్ తరుణ్ – రాశి సింగ్ జంటగా నటించిన ‘పాంచ్ మినార్’ గత వారం సైలెంట్‌గా విడుదలై మంచి కామెడీ ఎంటర్‌టైనర్‌గా పాజిటివ్ టాక్ సంపాదించింది. థియేటర్లలో హిట్‌గా నడుస్తున్న ఈ చిత్రం ఎలాంటి ముందస్తు సమాచారం లేకుండానే ఆకస్మాత్తుగా అమెజాన్ ప్రైమ్ వీడియోలో స్ట్రీమింగ్ ప్రారంభమైంది. రాజ్ తరుణ్ కామెడీ టైమింగ్, బ్రహ్మాజీ–అజయ్ ఘోష్–శ్రీనివాస రెడ్డి హాస్య సన్నివేశాలు ప్రేక్షకులను ఆకట్టుకున్నాయి. థియేటర్ రన్ కొనసాగుతుండగానే ఓటీటీలో రిలీజ్ కావడంతో సినీప్రేమికులు షాక్‌కి గురయ్యారు.ఇటీవల కాలంలో ప్రేక్షకులు థియేటర్ల కంటే ఓటీటీల్లో వచ్చే సినిమాలపైనే ఎక్కువ ఆసక్తి చూపిస్తున్నారు. కుదిరిన టైమ్‌లో నచ్చిన సినిమాని ఇంటిల్లిపాది కలిసి చూసే అవకాశం ఉండటంతో ప్రతివారం ఏయే కొత్త సినిమాలు వస్తున్నాయా అని ఎదురుచూస్తుంటారు. చిన్ని సినిమాల నుంచి పెద్ద సినిమాల వరకు నెల రోజులు తిరగకముందే ఓటీటీల్లో వచ్చేస్తుండటంతో చాలామంది అసలు థియేటర్లకి వెళ్లడమే మానేస్తున్నారు. అయితే ఇప్పుడు మనం చెప్పుకునే సినిమా అయితే రిలీజైన వారం రోజులకే ఓటీటీలో ప్రత్యక్షమైన అందరికీ షాకిచ్చింది. అదే రాజ్‌తరుణ్ , రాశి సింగ్ జంటగా నటించిన ‘ పాంచ్ మినార్ ’. ఫుల్‌లెంగ్త్ కామెడీ ఎంటర్‌టైనర్ వచ్చిన ఈ చిత్రం గత వారమే థియేటర్లలో రిలీజై నెగిటివ్ టాక్ తెచ్చుకుంది. చాలామందికి అయితే అసలు ఈ సినిమా ఎప్పుడొచ్చిందో కూడా తెలియలేదు. ఇటీవల వరుస పరాజయాలతో సతమతమవుతోన్న రాజ్‌తరుణ్ ఖాతాలో మరో ఫ్లాప్ చేరిందని సినీ వర్గాలు అభిప్రాయపడ్డాయి.ఈ చిత్రం థియేటర్లలో రిలీజై వారం రోజులు అయ్యిందో లేదో ఎలాంటి ప్రకటన లేకుండా ఓటీటీలో సడన్‌గా స్ట్రీమింగ్ ప్రారంభం కావడం అభిమానులకు, డిస్ట్రిబ్యూటర్లకు షాక్ ఇచ్చింది. థియేటర్ రన్ పూర్తికాకముందే డిజిటల్ రిలీజ్ చేయడం చాలా అరుదు. ఈ నేపథ్యంలో ‘పాంచ్ మినార్’ను అమెజాన్ ప్రైమ్ వీడియో ముందస్తుగా స్ట్రీమ్ చేయడం అందర్నీ ఆశ్చర్యపరిచింది. అయితే నిర్మాతలతో కుదిరిన ఒప్పందం మేరకే ప్రైమ్ వీడియో ఇలా చేసి ఉండొచ్చన్న అభిప్రాయాలు వ్యక్తమవుతున్నాయి. థియేటర్‌కు వెళ్లలేని ప్రేక్షకులు ఈ మూవీని ఇంట్లోనే చూసేందుకు ఆసక్తిగా ఎదురుచూస్తున్నారు.ఈ సినిమా కథ విషయానికి వస్తే—కిట్టు (రాజ్ తరుణ్) తేలికగా డబ్బు సంపాదించాలని కలలు కంటూ నిర్లక్ష్యంగా జీవితాన్ని సాగిస్తుంటాడు. అతని ప్రేమికురాలు ఖ్యాతి (రాశి సింగ్) మాత్రం అతన్ని ఉద్యోగంలో సెట్ చేసి పెళ్లి చేసుకోవాలని కోరుకుంటుంది. తనకు మంచి ఉద్యోగం వచ్చిందని ఆమెకు అబద్దం చెప్పిన కిట్టు కొన్ని పరిస్థితుల వలన క్యాబ్ డ్రైవర్‌గా మారిపోతాడు. ఇంకా ఇంకాస్త ఎక్కువ డబ్బు సంపాదించడం కోసం చెవిటి వాడిలా నటించటం ప్రారంభిస్తాడు. ఇదే సమయంలో చోటు (రవివర్మ) అనే వ్యక్తిని చంపడానికి ఇద్దరు కాంట్రాక్ట్ కిల్లర్లు కిట్టు కార్లో ఎక్కుతారు. డబ్బు అందుకున్న వెంటనే కిట్టూనే చంపేయాలని వారి ప్లాన్. విషయం తెలిసిన కిట్టు తప్పించుకుంటాడు కానీ కిల్లర్లు పోలీసులకి పట్టుబడతారు. ఈ గందరగోళంలో పోలీసుల నుంచి, కిల్లర్ల నుంచి, కారు యజమాని నుంచి కిట్టు ఎలా తప్పించుకున్నాడు? ఖ్యాతితో అతని ప్రేమ ఎక్కడికి దారి తీసింది? అనే విషయాలు సినిమా మొత్తాన్ని ఫన్ రోలర్ కోస్టర్ రైడ్‌లా తీసుకువెళ్తాయి.ఫుల్ కామెడీ ఎంటర్‌టైనర్ కావడంతో థియేటర్లలోనూ ఓ మోస్తరు రెస్పాన్స్ రాగా ఓటీటీలో ఎలాంటి రెస్పాన్స్ దక్కించుకుంటుంది అన్నది ఆసక్తికరంగా మారింది. ఈ మూవీలో అజయ్ ఘోష్, నితిన్ ప్రసన్న, శ్రీనివాసరెడ్డి, బ్రహ్మాజీ కీలక పాత్రల్లో నటించారు. కామెడీ మూవీస్ ఇష్టపడేవారికి ఈ చిత్రం ఓ పక్కా టైంఫాస్ ఎంటర్‌టైనర్‌ అని చెప్పొచ్చు.