పయనించే సూర్యుడు న్యూస్ : జనవరి 30 అనంతసాగరం మండలం, నెల్లూరు జిల్లా (రిపోర్టర్: వెంకటరమణారెడ్డి)

జిల్లాలో డిబేట్ లో ప్రథమ స్థానం, క్విజ్ లో మూడో స్థానం సాధించిన ఎనిమిదో తరగతి విద్యార్థి వి. లక్ష్మీ చైత్రిక రెడ్డిని విద్యార్థులు ఆదర్శంగా తీసుకోవాలని అనంతసాగరం మండలం ఎంఈఓ టు కాటంరెడ్డి ప్రభాకర్ రెడ్డి పేర్కొన్నారు. అనంతసాగరం మండలం సోమశిల గ్రామంలోని గురువారం జిల్లా పరిషత్ ఉన్నత పాఠశాలను సందర్శించారు. విద్యార్థులతో కలిసి ప్రార్థనకు హాజరయ్యారు. ఈ సందర్భంగా ఎంఈఓ 2 కాటంరెడ్డి మాట్లాడుతూ జిల్లాలో విద్యారంగంలో అనంతసాగరం మండలం మొదటి స్థానంలో ఉందని అదే కొనసాగుతూ ప్రతిభ పోటీలలో కూడా మొదటి స్థానంలోనే ఉన్నామని దీనికి ఉదాహరణ డెబిట్ విభాగంలో మొదటి స్థానం, క్విజ్ విభాగంలో మూడో స్థానం లో ఉందని ఆయన అన్నారు. విద్యార్థులపై శ్రద్ధ వహిస్తున్న ప్రధానోపాధ్యాయులు గుండు బోయిన పెంచలయ్య, ఉపాధ్యాయులను ఆయన అభినందించారు. అనంతరం విద్యార్థి లక్ష్మీ చైత్రిక రెడ్డిని ఘనంగా సన్మానించి ప్రత్యేక బహుమతిని అందజేశారు.