​వినతి పత్రం అందజేసిన కాంగ్రెస్ పార్టీ మండల అధ్యక్షులు శ్రీనివాస్ బూర్గుల సర్పంచ్ రాజగోపాల్ రెడ్డి

( పయనించే సూర్యుడు అక్టోబర్ 18 షాద్నగర్ నియోజకవర్గం ఇంచార్జ్ నరేందర్ నాయక్ ) షాద్‌నగర్ నుండి బూర్గుల మీదుగా హేమాజీపూర్ వరకు ఆర్టీసీ బస్సు సర్వీసులను పునరుద్ధరించి, వాటి సంఖ్యను పెంచాలని బూర్గుల సర్పంచ్ రాజగోపాల్ రెడ్డి, కాంగ్రెస్ పార్టీ ఫరూక్ నగర్ మండల అధ్యక్షులు రాయికల్ శ్రీనివాస్ షాద్‌నగర్ ఆర్టీసీ డిపో మేనేజర్ (DM)కు వినతిపత్రం సమర్పించారు.​ఈ సందర్భంగా వారు మాట్లాడుతూ.. కరోనా మహమ్మారి కంటే ముందు ఈ రూట్‌లో ప్రతి గంటకు ఒక ట్రిప్పు బస్సు నడిచేదని గుర్తుచేశారు. ఆ తర్వాత బస్సుల సంఖ్యను తీవ్రంగా తగ్గించడంతో విద్యార్థులు, నిత్య ప్రయాణికులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. ప్రయాణికుల ఇబ్బందులను దృష్టిలో ఉంచుకుని, గతంలో మాదిరిగానే బస్సు సర్వీసులను పునరుద్ధరించాలని కోరారు. ఈ కార్యక్రమంలో ఫరూక్నగర్ కాంగ్రెస్ పార్టీ మండల అధ్యక్షులు రాయికల్ శ్రీనివాస్ బూర్గుల సర్పంచ్ రాజగోపాల్ రెడ్డి చింతగూడెం సర్పంచ్ నరేష్ తదితరులు పాల్గొన్నారు.