పయనించే సూర్యుడు, నవంబర్ 15( రాజన్న సిరిసిల్ల జిల్లా బ్యూరో ఇన్చార్జి )చెరుకుపల్లి రాకేష్

తంగళ్ళపల్లి మండలం మండేపల్లి గ్రామంలోని కెసిఆర్ నగర్‌లో ఆర్థిక ఇబ్బందులతో జీవిస్తున్న దండి లావణ్య అనారోగ్యంతో మరణించారు. భర్త కోల్పోయిన ఆమెకు ఇద్దరు చిన్న కుమార్తెలు — శివాని, శ్రావణి ఉన్నారు. దహన సంస్కారాలు చేయడానికి కూడా డబ్బులు లేని పరిస్థితి కుటుంబాన్ని మరింత కృంగదీసింది.ఈ విషయాన్ని తెలుసుకున్న రాజన్న సిరిసిల్ల జిల్లా పద్మశాలి సంఘం అధ్యక్షుడు దూడం శంకర్ మానవతా దృక్పథంతో ముందుకు వచ్చి తన సొంతంగా ₹10,000 ఆర్థిక సహాయం అందించారు. ఈ సందర్భంగా ఆయనతో కలిసి పద్మశాలి నేత బొల్లి రామ్మోహన్ సహా ఇతరులు కూడా పాల్గొన్నారు.
నిరుపేద కుటుంబానికి అవసరమైన సమయంలో అందించిన ఈ సహాయం స్థానికంగా అభినందనలు పొందుతోంది.