భారీగా పాల్గొన్న పూర్వ విద్యార్థులు

ముఖ్యఅతిథిగా పాల్గొన్న ప్రగతి వెల్ఫేర్ సొసైటీ అధ్యక్షులు ఎన్నారై డాక్టర్ అలోక్ అగర్వాల్

( పయనించే సూర్యుడు నవంబర్ 15 షాద్ నగర్ నియోజకవర్గం ఇన్చార్జ్ నరేందర్ నాయక్ )

ప్రగతి వెల్ఫేర్ సొసైటీ ఆధ్వర్యంలో గత 20 సంవత్సరాల బూర్గులా హైస్కూల్ 10వ తరగతి పూర్వ విద్యార్థుల గెట్–టుగెదర్ కార్యక్రమం ఎంతో అద్భుతంగా, ఆనందభరితంగా ప్రగతి వెల్ఫేర్ సొసైటీ కార్యాలయంలో జరిగింది. పాత స్నేహితులు మళ్లీ ఒకే చోట కలుసుకోవడంతో నవ్వులు, జ్ఞాపకాలు, అనుభూతులతో వేదిక కళకళలాడింది.పూర్వ విద్యార్థులు తమ స్కూల్ రోజుల్లో జరిగిన మధుర క్షణాలను గుర్తుచేసుకుంటూ, ఇప్పటి వరకు చేసిన ప్రయాణం, ఎదుర్కొన్న సవాళ్లు, విజయాలు—అన్నిటినీ హృదయపూర్వకంగా పంచుకున్నారు. ఈ సమావేశం ప్రతి ఒక్కరికి స్నేహం, బంధం, స్కూల్ జ్ఞాపకాల పండుగలా అనిపించింది.కార్యక్రమానికి ముఖ్యఅతిథులుగా డాక్టర్ అలోక్ అగర్వాల్ (అధ్యక్షులు), సీనియర్ కోఆర్డినేటర్ శంకర్ , సీనియర్ ప్రోగ్రామ్ మేనేజర్ మురళీకృష్ణ ,ఎడ్యుకేషన్ ప్రాజెక్ట్ మేనేజర్ జగదీష్ , వుమెన్ ఎంపవర్‌మెంట్ ఇన్‌చార్జ్ ప్రగతి , వి.వి. శాస్త్రి , రిటైర్డ్ హెడ్‌మాస్టర్ ఎన్‌.సురేష్ కుమార్ గారు, పెద్ద రేవెళ్లి టీచర్లు నర్సింహులు , జానకిరామ్ , అలాగే ప్రగతి వెల్ఫేర్ సొసైటీ సభ్యులు కార్తిక్, శ్రీకాంత్, నవ్య, తులసి, లావణ్య, శృతి తదితరులు పాల్గొని కార్యక్రమాన్ని మరింత విశిష్టంగా మార్చారు.పూర్వ విద్యార్థులు–సంస్థ మధ్య బంధాన్ని బలపరచడంతో పాటు, విద్యార్థుల్లో ఉన్నత విద్యపై అవగాహన పెంచడం, వారి భవిష్యత్‌ లక్ష్యాలను సాధించేందుకు ప్రోత్సాహం అందించడం—ఇవి ప్రగతి వెల్ఫేర్ సొసైటీ ఈ కార్యక్రమం ద్వారా అందించాలనుకుంటున్న ప్రధాన ఉద్దేశాలు,సమావేశం మొత్తం నవ్వులు, జ్ఞాపకాలు, అనుభవాలు, ప్రేరణతో నిండిపోయి, అందరికీ చిరస్మరణీయంగా నిలిచింది.