పయనించే సూర్యుడు న్యూస్:- ప్రస్తుతం సోషల్‌ మీడియా యుగం నడుస్తోంది. కొందరు రాత్రికి రాత్రి ఫేమస్‌ కావడానికి ప్రాణాలను సైతం లెక్కచేయడం లేదు. ప్రమాదకరమైన స్టంట్స్‌ వీడియోలతో నెటిజన్స్‌ను ఆకట్టుకునే ప్రయత్నం చేస్తున్నారు. ఈ క్రమంలో పలువురి ప్రాణాలు పోయిన సంఘటనలు కూడా ఉన్నాయి. అయినా యువత మాత్రం వీడియోల కోసం స్టంట్స్‌ చేయడం మాత్రం మానడం లేదు. ప్రస్తుతం అలాంటి వీడియో ఒకటి నెట్టింట వైరల్‌ అవుతోంది. వైరల్‌ వీడియోలో ఒక యువకుడు, అమ్మాయి బైక్ పై స్టంట్స్ చేస్తున్నట్లు చూడవచ్చు. కానీ కొన్ని సెకన్లలో, స్టంట్ ప్రాణాంతకంగా మారింది. వీడియో చూసి అందరూ షాక్ అయ్యారు. అలాంటి రీల్స్ తయారు చేసే వారిపై కఠిన చర్యలు తీసుకోవాలని ప్రజలు డిమాండ్ చేస్తున్నారు. వీడియోలో, ఒక యువకుడు అధిక వేగంతో బైక్ నడుపుతున్నట్లు చూడవచ్చు. అతని వెనుక ఒక అమ్మాయి కూర్చొని ఉంటుంది. ఆ యువకుడు అకస్మాత్తుగా బైక్ ముందు చక్రాన్ని గాల్లోకి ఎత్తి వెనక చక్రం మీద కొంత దూరం నడుపుతాడు. వెనుక కూర్చున్న అమ్మాయి తన బ్యాలెన్స్‌ను కాపాడుకోవడానికి ప్రయత్నిస్తుంది. కానీ, ఆ యువకుడు బైక్‌ను వెనక్కి కిందకు దించడానికి ప్రయత్నించడంతో ఆమె బ్యాలెన్స్ కోల్పోతుంది. అబ్బాయి, అమ్మాయి రోడ్డుపై పడతారు. రోడ్డును చాలా బలంగా ఢీకొంటారు. వెనుక నుండి వస్తున్న మరో బైక్ కూడా ప్రమాదంలో చిక్కుకుంటుంది. ఈ వీడియో సోషల్ మీడియా ప్లాట్‌ఫామ్ Xలో షేర్ చేయబడింది.ఈ వీడియో సోషల్ మీడియాలో వేగంగా వైరల్ అవుతోంది. ఇటువంటి ప్రమాదకరమైన విన్యాసాలపై నెటిజన్స్‌ తమ అసంతృప్తిని వ్యక్తం చేశారు. ఈ వన్-వీల్ డ్రైవింగ్ అలవాటు చాలా మంది ప్రాణాలను బలిగొందంటూ గుర్తు చేస్తున్నారు. వారిద్దరిపై కఠిన చర్యలు తీసుకోవాలని కొంతమంది డిమాండ్ చేశారు.