పయనించే సూర్యుడుD.15.10.2026 నిజాంబాద్ జిల్లా స్టాపర్ టీకే గంగాధర్.బాల్కొండ నియోజకవర్గం లో భీమ్గల్ మున్సిపల్ పరిధిలో తెలంగాణ ప్రభుత్వ ఆదేశాల మేరకు భీంగల్ మున్సిపాలిటీ ఆధ్వర్యంలో సద్దుల బతుకమ్మ పండుగను ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకల్లో మహిళలు పెద్ద సంఖ్యలో పాల్గొని పండుగకు ప్రత్యేక శోభను తీసుకొచ్చారు.ఈ సందర్భంగా మహిళలు వివిధ రకాల రంగురంగుల పూలతో బతుకమ్మలను అందంగా పేర్చి, సంప్రదాయ దుస్తుల్లో వేడుకలకు హాజరయ్యారు. బతుకమ్మల చుట్టూ చేరి సంప్రదాయ బతుకమ్మ పాటలు పాడుతూ, చప్పట్లు కొడుతూ ఉత్సాహంగా నృత్యాలు చేశారు. తెలంగాణ ఆడపడుచుల ఐక్యతకు, ఆత్మీయతకు ప్రతీకగా నిలిచే ఈ వేడుకల్లో మహిళల ఉత్సాహం ప్రత్యేక ఆకర్షణగా నిలిచింది.పూల పండుగైన బతుకమ్మ ద్వారా తెలంగాణ సంస్కృతి, సంప్రదాయాలను భావితరాలకు అందించడంలో మహిళలు కీలక పాత్ర పోషించారు. కుటుంబ సభ్యులతో పాటు తోటి మహిళలతో కలిసి వేడుకల్లో పాల్గొంటూ పండుగ ఆనందాన్ని పంచుకున్నారు. మహిళల సామూహిక భాగస్వామ్యంతో బతుకమ్మ వేడుకలు ఆహ్లాదకరమైన వాతావరణంలో సాగాయి.ఈ కార్యక్రమంలో మున్సిపల్ చైర్‌పర్సన్, వైస్ చైర్‌పర్సన్, కౌన్సిలర్లు, మున్సిపల్ కమిషనర్, ఎంపీడీవో, ఎమ్మార్వో, ప్రజాప్రతినిధులు, , వివిధ శాఖల అధికారులు, మున్సిపల్ మరియు మెప్మా సిబ్బంది తదితరులు పాల్గొన్నారు.తెలంగాణ సంస్కృతి వైభవాన్ని చాటిచెప్పే సద్దుల బతుకమ్మ వేడుకలను భీంగల్ మున్సిపాలిటీ ఆధ్వర్యంలో ఘనంగా నిర్వహించడం పట్ల పాల్గొన్న మహిళలు ఆనందం వ్యక్తం చేశారు.