
పయనించే సూర్యుడుD.19.11.2026 నిజాంబాద్ జిల్లా స్టాపర్ టీకే గంగాధర్. బాల్కొండ నియోజకవర్గం లో భీంగల్ మండలంలోని ప్రసిద్ధ పుణ్యక్షేత్రం లింబాద్రి గుట్టపై శ్రీ లక్ష్మీనరసింహస్వామి వారి కల్యాణ మహోత్సవం అత్యంత వైభవంగా, భక్తిశ్రద్ధలతో కనుల పండువగా జరిగింది. ఈ పవిత్ర కల్యాణ మహోత్సవానికి జాతీయ పసుపు బోర్డు చైర్మన్ పల్లె గంగారెడ్డి బాల్కొండ నియోజకవర్గ బీజేపీ ఇంచార్జ్ డాక్టర్ ఏలేటి మల్లికార్జున్ రెడ్డి హాజరై స్వామివారి కల్యాణాన్ని వీక్షించి ప్రత్యేక పూజలు నిర్వహించి స్వామివారి ఆశీస్సులు పొందారు. ఈ సందర్భంగా ఆలయ ధర్మకర్త నంబి పార్థసారథి ప్రత్యేక పూజలు నిర్వహించి, శేష వస్త్రాలతో సత్కరించి ఆశీర్వచనాలు అందజేశారు. భక్తుల కోలాహలం, వేద మంత్రోచ్ఛారణలు, మంగళవాయిద్యాల నడుమ జరిగిన స్వామివారి కల్యాణ మహోత్సవం భక్తులను భక్తిపారవశ్యంలో ముంచెత్తింది. ఈ కార్యక్రమంలో బీజేపీ భీంగల్ మండల అధ్యక్షుడు అరే రవీందర్, పట్టణ అధ్యక్షుడు కనికరం మధు, స్టేట్ కౌన్సిల్ మెంబర్ యోగేశ్వర్ నర్సయ్య, బీజేపీ నాయకులు శెట్టి ప్రేమ్చంద్, కిసాన్ మోర్చా అధ్యక్షుడు నీలం గంగాధర్, సీనియర్ నాయకులు మూల్గె మైపాల్, రాగి రఘు, దర్పల్లి మైపాల్ తదితర నాయకులు, కార్యకర్తలు పాల్గొన్నారు.