టైటిల్ పయనించే సూర్యుడు మడకశిర నియోజకవర్గం ఇన్చార్జి టిఆర్ అంజప్ప 30-01-2025
అనంతపురం జెడ్పీ సమావేశంలో వైసీపీ సభ్యులపై ఎం.ఎస్.రాజు ఫైర్..
– వాట్సాప్ గవర్నెన్స్ పై ధన్యవాదతీర్మానాన్ని అడ్డుకున్న వైసీపీ సభ్యులు
– వైసీపీ సభ్యుల వితండ వాదనపై మండిపడ్డ రాజు
అనంతపురం :
అనంతపురం జెడ్పీ సర్వసభ్య సమావేశంలో వైసీపీ సభ్యులపై మడకశిర శాసనసభ్యులు, టీటీడీ పాలకమండలి సభ్యులు ఎం.ఎస్.రాజు తీవ్రంగా మండిపడ్డారు. కూటమి ప్రభుత్వం రాష్ట్ర ప్రజలకు ఇంటివద్ద సెల్ ఫోన్లో వాట్సాప్ ద్వారా సేవలు అందించే బృహత్తరమైన కార్యక్రమానికి శ్రీకారం చుట్టడంతో ప్రభుత్వానికి ధన్యవాదాలు తెలిపే తీర్మానాన్ని మడకశిర ఎమ్మెల్యే ఎం.ఎస్.రాజు సమావేశంలో ప్రవేశపెట్టారు. దీనిపై వైసీపీ సభ్యులు లేనిపోని రాద్దాంతం చేయడంతో వైసీపీ సభ్యుల ప్రవర్తనపై ఎం.ఎస్.రాజు తీవ్ర ఆగ్రహం వ్యక్తం చేశారు. ప్రజలకు మంచి చేసే ప్రభుత్వాన్ని అభినందించాల్సిన సభ్యులు..వ్యతిరేకించడం ఏంటని వైసీపీ సభ్యులను నిలదీశారు. గత ఐదేళ్లలో వైసీపీ ప్రభుత్వం స్థానిక సంస్థలను నిర్వీర్యం చేస్తే లేవని నోరు, నేడు ప్రజలకు మంచి చేసే కూటమి ప్రభుత్వాన్ని వ్యతిరేకించడానికి ఎందుకు నోరు లేస్తుందని నిలదీశారు. గత ఐదేళ్లలో జిల్లా అభివృద్ధికి జగన్ రెడ్డి ఏం ఇచ్చాడో చెప్పాలని జెడ్పీ చైర్మన్ ను నిలదీస్తే, నోరుమెదిపే పరిస్థితి లేకుండా పోయింది. జెడ్పీ సమావేశంలో వైసీపీ సభ్యుల అడ్డగోలు ప్రవర్తనను ఎం.ఎస్.రాజు తీవ్రంగా తప్పుబట్టారు.
(మడకశిర శాసనసభ్యులు, టీటీడీ పాలకమండలి సభ్యులు వారి కార్యాలయం నుండి జారీ…)
