పయనించే సూర్యుడు న్యూస్ అక్టోబర్ 30 తెలంగాణ స్టేట్ ఇంచార్జ్ శ్రీనివాస్ రెడ్డి
మండల మకరవిళక్కు తీర్థయాత్ర సీజన్ ప్రారంభానికి ఇంకా పది హెడు రోజులు మాత్రమే ఉండగా , ట్రావెన్ కూర్ దేవస్థానం బోర్డు టిడిబి ఇంకా తప్పనిసరి వర్చువల్ క్యూలైన్ బుకింగ్‌ను ప్రారంభించలేదు. ఈ ఆలస్యం కారణంగా భక్తులలో, ముఖ్యంగా కేరళ వెలుపల నుండి వచ్చే యాత్రికులలో ఆందోళన వ్యక్తమవుతోంది, ఎందుకంటే వారి యాత్ర ప్రణాళికలు అనిశ్చితంగా మారాయి.మండల యాత్ర మలయాళ నెల వృచ్చికం నవంబర్ పదిహెడవ తారీఖున మొదటి రోజున ప్రారంభమవుతుంది. ఆలయం నవంబర్ పదహారు తారీకు సాయంత్రం ఐదు గంటలకు అధికారికంగా తెరవబడుతుంది.డిసెంబర్ ఇరవై ఏడవ తారీకు వరకు ఆలయం తెరచి ఉంటుంది, ఆ తర్వాత మండల పూజ జరుగుతుంది.తరువాత, మకరవిళక్కు ఉత్సవం కోసం ఆలయం డిసెంబర్ ముప్పై తారీకు న తిరిగి తెరచబడుతుంది, మరియు సీజన్ ముగిసిన తర్వాత జనవరి 19, 2026న శబరిమల ఆలయం మూసివేయబడుతుంది.శబరిమలలో దర్శనానికి వర్చువల్ క్యూ బుకింగ్ తప్పనిసరి. కానీ బుకింగ్ పోర్టల్ ఇంకా ప్రారంభం కాకపోవడంతో, తమిళనాడు, కర్ణాటక, ఆంధ్రప్రదేశ్, తెలంగాణ మరియు మహారాష్ట్ర భక్తులు తమ రైల్వే టికెట్లు మరియు ప్రయాణ ఏర్పాట్లను చేసుకోవడంలో ఇబ్బందులు ఎదుర్కొంటున్నారు.భక్తులు ఇప్పుడు టిడిబి నుండి బుకింగ్ తేదీలపై అధికారిక ప్రకటన కోసం ఎదురుచూస్తున్నారు.కూకట్పల్లి శాంతినగర్ చింతకుంట్ల శ్రీనివాస్ రెడ్డి గురు స్వామి మాట్లాడుతూ.మేము హైదరాబాద్ మరియు తెలంగాణలోని దూర ప్రాంతాల నుండి వస్తున్నాం. యాత్రకు ముందు నలబై ఎనిమిది రోజుల మండల వ్రతం పాటిస్తాం. మా యాత్రా ప్రణాళికకు వర్చువల్ క్యూ చాలా ముఖ్యమైనది. క్యూ సమయం స్పష్టంగా తెలియకపోవడం వలన రైలు బుకింగ్‌లు మరియు ప్రణాళికలు అన్ని గందరగోళమవుతున్నాయి అన్నారు.టిడిబి అధ్యక్షుడు పి.ఎస్. ప్రశాంత్ తెలిపారు మేము వర్చువల్ క్యూ బుకింగ్‌ను నవంబర్ ఒకటో నుండి ప్రారంభించాలనే ప్రణాళికలో ఉన్నాం. గత ఏడాది మాదిరిగానే రోజుకు సుమారు డెబ్భై వేల మంది భక్తులకు అనుమతులు ఇవ్వవచ్చు. కానీ పోలీసు శాఖ ఈ పరిమితిని తగ్గించమని సూచించింది. ఇంకా విభాగాల మధ్య చర్చలు కొనసాగుతున్నాయి.కేరళ ప్రధాన కార్యదర్శి డి. విజయ్‌కుమార్ వ్యాఖ్యానిస్తూ ఈ సంవత్సరం శబరిమల తీర్థయాత్రకు ఎటువంటి స్పష్టమైన సిద్ధతలు లేవు. వర్చువల్ క్యూ అనిశ్చితి వల్ల సమీక్షా సమావేశాలు కూడా పేరుకే జరుగుతున్నాయి. అధికారులు సక్రమ సహకారం అందించడం లేదు, అన్నారు.
