పయనించే సూర్యుడు డిసెంబర్ 29, కాకినాడ జిల్లా ప్రతినిధి కాకినాడ రూరల్ (బి వి బి)ఈనెల 18 నుండి 22 వరకు దళ్ళి రాజహార్ చత్తీస్ ఘడ్ లో జరిగిన ఇండియన్ పవర్ లిఫ్టింగ్ ఫెడరేషన్ ఆధ్వర్యంలో జరిగిన పవర్ లిఫ్టింగ్ పోటీలలో దేశవ్యాప్తంగా సుమారు 750 మంది పాల్గొనగా ఆంధ్రప్రదేశ్ నుంచి ఏపీఎస్ఆర్టీసీ కాకినాడ డిపో డ్రైవర్ మందపల్లి శ్రీనివాసరావు ప్రథమ స్థానంలో నిలిచి బంగారు పతకాన్ని సాధించారు. ఈ నేపథ్యంలో బుధవారం ఆయన.. జిల్లా క్రీడా అభివృద్ధి అధికారి బి శ్రీనివాస్ కుమార్ తో కలిసి కలెక్టరేట్ లో జిల్లా కలెక్టర్ షణ్మోహన్ ను మర్యాదపూర్వకంగా కలిశారు. ఇండియన్ పవర్ లిఫ్టింగ్ ఫెడరేషన్ ఆధ్వర్యంలో జరిగిన పవర్ లిఫ్టింగ్ పోటీలలో ఆంధ్రప్రదేశ్ రాష్ట్రం నుంచి బంగారం పతకం సాధించిన శ్రీనివాసును జిల్లా కలెక్టర్ ప్రత్యేకంగా అభినందనలు తెలియజేశారు. భవిష్యత్తులో మరిన్ని పతకాలు సాధించి మన దేశానికి మంచి పేరు తీసుకువచ్చేలా కృషి చేయాలని జిల్లా కలెక్టర్ తెలిపారు.
