(పయనించే సూర్యుడు) (ప్రతినిధి)జనవరి29 అన్నమయ్య జిల్లా టి సుండుపల్లి మండలం
పశు ఆరోగ్య శిబిరాలతో రైతులకు ఎంతో మేలు చేకూరిందని పశుసంవర్ధక శాఖ సహాయ సంచాలకులు (ఏడి) తెలిపారు. బుధవారం మండలంలోని జి రెడ్డివారి పల్లి గ్రామపంచాయతీలో పశు ఆరోగ్య శిబిరాన్ని నిర్వహించారు. ఈ సందర్భంగా ఆయన మాట్లాడుతూ రాష్ట్ర ప్రభుత్వం ఎంతో ప్రతిష్టాత్మకంగా నిర్వహిస్తున్న పశు ఆరోగ్య శిబిరాలతో మండల వ్యాప్తంగా 15 గ్రామపంచాయతీలలో పశువులకు మెరుగైన వైద్యాన్ని అందించినట్లు తెలిపారు. రైతుల నుండి ప్రతి గ్రామపంచాయతీలో విశేష స్పందన లభించిందన్నారు. జి రెడ్డివారి పల్లి గ్రామపంచాయతీలో 1384 గొర్రెలకు వైద్య సేవలు అందజేయడం జరిగిందన్నారు. అలాగే పశువులకు ప్రధమ చికిత్స తో పాటు గర్భకోశ సమస్య గల పశువులకు వైద్యం అందించామన్నారు. 38 దూడలకు వైద్య సేవలు అందించడంతో స్థానిక పశుపోషకులు హర్షం వ్యక్తం చేసినట్లు తెలిపారు. ఈ కార్యక్రమంలో డాక్టర్ కె విజయ్ కుమార్ తదితరులు పాల్గొన్నారు.
