పయనించే సూర్యుడు ఏప్రిల్ తెలంగాణ స్టేట్ ఇంచార్జ్ శ్రీనివాస్ రెడ్డి
హెచ్‌సీయూ భూముల వ్యవహారంపై తెలంగాణ హైకోర్టు కీలక వ్యాఖ్యలు చేసింది. రేపటి వరకు పనులు ఆపేయాలని ప్రభుత్వాన్ని ఆదేశించింది. గురువారం వరకు చెట్లను కొట్టేయొద్దని ప్రభుత్వానికి ఆదేశాలు ఇచ్చింది. తదుపరి విచారణను రేపటికి వాయిదా వేసింది కోర్టు. రేపు మధ్యాహ్నం రెండు గంటల పది హేను నిమిషాలకు విచారణ ను వాయిదా వేసింది హైకోర్టు.కంచ గచ్చిబౌలి భూముల వ్యవహారంపై తెలంగాణ హైకోర్టులో విచారణ రేపటికి వాయిదా పడింది. ప్రభుత్వం తీసు కొచ్చిన యాబై నాలుగు జీవోను రద్దు చేయాలంటూ దాఖలైన పిటిషన్ పై కోర్టులో వాదనలు జరిగాయి. నాలుగు వందల ఎకరాల భూమి తమదేనంటూ ప్రభుత్వం చెబుతోందని పిటిషనర్ తరపు న్యాయవాది రవిచంద్ వాదించారు. ఒకవేళ అది ప్రభుత్వ భూమే అయినా సుప్రీం కోర్టు తీర్పునకు కట్టుబడి ఉండాలని న్యాయవాది కోర్టుకు తెలిపారు. సుప్రీంకోర్టు తీర్పు ప్రకారం అటవీ ప్రాంతాన్ని కొట్టివేయాలంటే నిపుణుల కమిటీ ఏర్పాటు చేయాలని సూచించారు.కొన్నాళ్లుగా హైదరాబాద్ సెంట్రల్ యూనివర్సిటీలో ఉద్రిక్త తలు కొనసాగుతున్నాయని పిటిషనర్ తరపు న్యాయ వాది కోర్టు దృష్టికి తీసుకెళ్లారు. నిరసనలు చేస్తున్న విద్యార్థులపై పోలీసులు లాఠీఛార్జ్ చేస్తున్నారని చెప్పారు. సుప్రీంకోర్టు తీర్పు, నిబంధనలకు విరుద్ధంగా అధికారులు వ్యవహరిస్తున్నారని పిటిషనర్ తరపు న్యాయవాది వాదించారు. వివాదాస్పద భూముల్లో మూడు చెరువులు, రాక్ స్ట్రక్చర్ ఉన్నాయన్నారు. తెలంగాణ రాష్ట్రంలో ప్రకంపనలు రేపుతున్న హెచ్ సీయూ కంచ గచ్చిబౌలి నాలుగు నాలుగు వందల ఎకరాల భూ వివాదంపై ఇవాళ తెలంగాణ హైకోర్ట్ చీఫ్ జస్టిస్ నేతృత్వంలో విచారణ చేపట్టింది. రెండు పిటిషన్లపై సుదీర్ఘంగా విచారణ జరిగింది. మధ్యాహ్నం రెండు గంటల ముప్పై నిమిషాల ప్రాంతంలో విచారణ ప్రారంభమైంది. కోర్టు సమయం ముగిసే వరకు ఇదే అంశంపై సుదీర్ఘంగా విచారణ జరిగింది. వటా ఫౌండేషన్ తరపున న్యాయవాది నిరంజన్, హెచ్ సీయూ విద్యార్థుల తరపు న్యాయవాది సీనియర్ కౌన్సిల్ రవిచంద్ వాదనలు వినిపించారు. అదంతా ఫారెస్ట్ కు సంబంధించిన ల్యాండ్ అని, డీఫారెస్ట్ చేయాల నుకుంటే ఎక్స్ పర్ట్ కమిటీతో పూర్తిగా అధ్య యనం చేయాలన్నారు. అక్కడ చాలా పక్షులు, జంతువులు ఉన్నాయని.. మూడు చెరువులు ఉన్నాయని.. వీటన్నింటిని పరిశీలనలోకి తీసుకోవా లని వాదనలు వినిపించా రు.
అయితే, నిబంధనలకు విరుద్ధంగా అటవీ ప్రాంతంలో పరిశ్రమలు ఏర్పాటు చేసేందుకు ప్రభుత్వం ప్రయత్నాలు చేస్తోందని సుదీర్ఘంగా తమ వాదనలు వినిపించారు.
