అన్నదానం నిర్వహిస్తున్న దృశ్యం…
రుద్రూర్, ఆగస్టు 11 (పయనించే సూర్యుడు రుద్రూర్ మండల ప్రతినిధి )
శ్రావణమాసాన్ని పురస్కరించుకొని రుద్రూర్ మండల కేంద్రంలోని శ్రీ రాజరాజేశ్వర స్వామి ఆలయం వద్ద సోమవారం అన్నదాన కార్యక్రమాన్ని నిర్వహించారు. ఆలయంలో స్వామి వారికీ అభిషేకాలు, ప్రత్యేక పూజలు, మంగళహారతులు నిర్వహించారు. అనంతరం ఆలయం వద్ద భక్తులకు అన్నదాన కార్యక్రమాన్ని చేపట్టారు. ఈ కార్యక్రమంలో ఆలయ పూజారి రాజేశ్వర్ అప్ప, యువరాజ్ అప్ప, ఆలయ కమిటీ నిర్వాహకులు, శ్రీధర్ గౌడ్, రీతు గౌడ్, కటికే రామ్ రాజ్, రమణ గౌడ్, శ్రీకాంత్ గౌడ్, దేవా గౌడ్, భక్తులు, మహిళలు తదితరులు పాల్గొన్నారు.
