పయనించే సూర్యుడు బాపట్ల జనవరి 31:- రిపోర్టర్ (షేక్ కరిముల్లా)
బాపట్ల పురపాలక సంఘ పరిధిలోని 14 వా వార్డు నందు గౌరవ ఆంధ్రప్రదేశ్ రాష్ట్ర ప్రభుత్వం ప్రతిష్టాత్మకంగా చేపట్టిన ఫ్రైడే -డ్రైడే కార్యక్రమం ఈరోజు ఉదయం 14 వ వార్డు కారుమూరి హనుమంతరావు కాలనీ మీ,తుఫాన్ నగర్, మాణిక్యమ్మ నగర్ల నందు మునిసిపల్ కమిషనర్.జి.రఘునాథరెడ్డి ర్యాలీతో ఈ కార్యక్రమాన్ని ప్రారంభించారు. ఈ ప్రత్యేక కార్యక్రమం ద్వారా 14 వ వార్డు నందు గల అంతర్గత రోడ్లను శుభ్రపరిచారు. డ్రైనేజీలలో గల పూడిక తీత పనులను చేశారు. దోమల నివారణకు డే ఫాగింగ్ వార్డు మొత్తం నిర్వహించారు. అనంతరం కమిషనర్ గారు మాట్లాడుతూ మన గృహ సముదాయాల చుట్టూ ఉన్న ఉపయోగంలో లేని వస్తువులలో నిలిచి ఉండే అనగా వాడి పారేసిన కొబ్బరి బోండాలు, ఉపయోగం లో లేని కూలర్లు లో నిలిచి ఉన్న నీరు, టైర్లలో,తొట్టెలలో, కుండీలలో ఉన్న నీటిని గృహ యజమానులు గుర్తించి తొలగించడం ద్వారా దోమల లార్వా వృద్ధి చెందకుండా నిర్మూలించవచ్చని ఆయన అన్నారు. తద్వారా మలేరియా డెంగ్యూ లాంటి జ్వరాలు రాకుండా కాపాడుకోగలమని అన్నారు. ఈ కార్యక్రమం నందు వార్డు ప్రజలు, పురపాలకు సంఘ సిబ్బంది, సచివాలయ సిబ్బంది పాల్గొన్నారు.
