పట్టణ ఆర్యవైశ్య సంఘాల ఆధ్వర్యంలోపట్టణ ఆర్యవైశ్య సంఘాల ఆధ్వర్యంలో

..వాసవి మాత ఆత్మార్పణ దినోత్సవ వేడుకలు.

పయనించే సూర్యుడు జనవరి 31 త్రిపురాంతకం మండలం:- మండల కేంద్రంలో శ్రీ వాసవి కన్యకా పరమేశ్వరి అమ్మవారి ఆత్మార్పణ దినోత్సవ వేడుకలు ఘనంగా నిర్వహించారు. తెల్లవారుజామున అమ్మవారి నగర సంకీర్తన కార్యక్రమం లో భక్తులు అధిక సంఖ్యలో పాల్గొన్నారు.తదుపరి వెంకటేశ్వర స్వామి గుడి దగ్గర నుంచి అమ్మవారి శాల వరకు కన్యకా పరమేశ్వరి అమ్మవారికి పల్లకి సేవ ఉత్సవం కార్యక్రమం నిర్వహించారు.అనంతరం వాసవి కన్యకా పరమేశ్వరి దేవస్థానము నందు ఆర్యవైశ్యులందరూ శ్రీ వాసవి అమ్మవారికి అభిషేకాలు, అర్చన,పూజలు చేశారు.ఉభయ దాతలు హోమాల్లో పాల్గోని పూజలు నిర్వహించారు.ఆలయ అర్చకులు కౌతా అనంతయ్య వచ్చిన భక్తులను ఆశీర్వదించి తీర్థప్రసాదాలు అందజేశారు.అనంతరం ఆర్యవైశ్య సంఘం,యువజన సంఘం ఆధ్వర్యంలో భక్తులకు ప్రసాద వితరణ పంపిణీ చేశారు.ఈ కార్యక్రమాల్లో ఆర్యవైశ్య సంఘం అధ్యక్షులు పూర్ణ నాగేశ్వరరావు, యువజన యువజన సంఘం అధ్యక్షులు కందగట్ల శేఖర్,ఆర్యవైశ్య సోదర సోదరీమణులు తదితరులు పాల్గొన్నారు…