కామోల్ గ్రామంలో శ్రీ సీతారామచంద్ర స్వామి ఆలయంలో ఘనంగా శ్రీరాములు జనన కార్యక్రమం

కామోల్ గ్రామంలో శ్రీ సీతారామస్వామిని దర్శించుకునేందుకు పెద్ద ఎత్తున భక్తులు తరలివస్తున్నారు. ప్రత్యేక పూజలు, హారతులు, భజనలు భక్తి భావంతో నిర్వహిస్తున్నారు. భక్తులకు ఎలాంటి అసౌకర్యం కలగకుండా శ్రీరామ దీక్ష స్వాములు, ఆలయ కమిటీ సభ్యులు, గ్రామస్తులు కలిసి అన్ని ఏర్పాట్లు సమర్థంగా చేశారు.జాతర వేడుకలు ఇంకా ఉత్సాహంగా కొనసాగుతుండగా, నేడు ప్రత్యేక ఆకర్షణగా కుస్తీ పోటీలు నిర్వహించనున్నారు. ఈ పోటీలను చూడడానికి కూడా పెద్ద సంఖ్యలో ప్రజలు హాజరయ్యే అవకాశం ఉంది.
ఈ సందర్భంగా గ్రామంలో భక్తి, ఆనందం, ఉత్సాహం కలిసి ఒక ప్రత్యేక వాతావరణాన్ని సృష్టిస్తున్నాయి. శ్రీరాముని ఆశీస్సులతో అందరూ సుఖసంతోషాలతో ఉండాలని భక్తులు కోరుకుంటున్నారు. అలాగే అన్నదాన కార్యక్రమం నిర్వహించారు.