గ్రూప్–1 పరీక్షల్లో జిల్లా బీసీ సంక్షేమ అధికారిగా ఎంపికైన సర్వే సాయికుమార్‌కు ఘన సత్కారం

పయనించే సూర్యుడు నిర్మల్ జిల్లా బ్యూరో

భైంసా పట్టణానికి చెందిన సర్వే సాయికుమార్ గ్రూప్–1 పరీక్షల్లో జిల్లా బీసీ సంక్షేమ అధికారిగా ఎంపికయ్యారు. ఆయన సర్వే సిద్ధేశ్వర్ రావు, రత్నమాల దంపతుల కుమారుడు.సాయికుమార్ భైంసాలోని వాసవి ఉన్నత పాఠశాలలో పదవ తరగతి విద్య పూర్తి చేసి, తిరుచ్చి జాతీయ సాంకేతిక సంస్థలో ఇంజినీరింగ్ పట్టా సాధించారు. అనంతరం గుర్గావ్‌లోని మారుతి సుజుకి ఇండియా లిమిటెడ్ సంస్థలో మూడు సంవత్సరాలు ఉద్యోగం చేశారు. ప్రస్తుతం భారత పరిపాలనా సేవల పరీక్షలకు సిద్ధమవుతున్నారు.ఈ సందర్భంగా భైంసా మాజీ భారతీయ జనతా పార్టీ అధ్యక్షుడు బాలాజీ సుత్రవే సాయికుమార్‌ను శాలువాతో సత్కరించి అభినందించారు. ఆయన సాధించిన విజయం యువతకు స్ఫూర్తిగా నిలవాలని ఆకాంక్షించారు.