పయనించే సూర్యుడు నిర్మల్ జిల్లా బ్యూరో కాంగ్రెస్ ప్రభుత్వం ఏర్పడిన తర్వాత ముధోల్ నియోజకవర్గంలోని కాంగ్రెస్ కార్యకర్తలు, ప్రజలు పార్టీ కోసం దీర్ఘకాలంగా పనిచేసిన ఎం.ఏ. లతీఫ్కు బైంసా వ్యవసాయ మార్కెట్ కమిటీ చైర్మన్ పదవి దక్కుతుందని ఆశించారు. అయితే ఆ పదవి ఆనందరావు పాటిల్కు దక్కింది. పార్టీ అధిష్ఠానం నిర్ణయాన్ని గౌరవిస్తూ ఎం.ఏ. లతీఫ్ తన పార్టీ కార్యక్రమాలను కొనసాగించారు.ప్రస్తుతం 2026లో బైంసా వ్యవసాయ మార్కెట్ కమిటీ చైర్మన్ పదవి అక్టోబర్ 23న ఖాళీ కానున్న నేపథ్యంలో, ముధోల్ నియోజకవర్గ ప్రజలు, కాంగ్రెస్ కార్యకర్తలు మరియు పలువురు కాంగ్రెస్ నాయకులు పార్టీ అధిష్ఠానాన్ని ఎం.ఏ. లతీఫ్ పేరును పరిశీలించాలని కోరుతున్నట్లు ఆయన వర్గం పేర్కొంటోంది.ముధోల్ నియోజకవర్గంలోని మైనారిటీ వర్గాల నుంచి కూడా ఈసారి మైనారిటీ వర్గానికి అవకాశం కల్పించాలని, ఎం.ఏ. లతీఫ్కు బైంసా వ్యవసాయ మార్కెట్ కమిటీ చైర్మన్ పదవి ఇవ్వడం ద్వారా న్యాయం చేయాలని కోరుతున్నట్లు ఆయన వర్గం చెబుతోంది.ముధోల్ నియోజకవర్గ ఎన్నికల్లో మైనారిటీ ఓటర్లు కీలక పాత్ర పోషించగలరని, రాబోయే ఎన్నికల నేపథ్యంలో మైనారిటీ వర్గానికి తగిన ప్రాతినిధ్యం కల్పించాలని ఆయన మద్దతుదారులు కోరుతున్నారు.ఇప్పుడు కాంగ్రెస్ పార్టీ కోసం ఎన్నో సంవత్సరాలుగా పనిచేస్తున్న ఎం.ఏ. లతీఫ్కు పార్టీ ఎలాంటి అవకాశం కల్పిస్తుందనేది ఆసక్తికరంగా మారింది. బైంసా వ్యవసాయ మార్కెట్ కమిటీ చైర్మన్ పదవిపై ముధోల్ నియోజకవర్గంలోనే కాకుండా ఉమ్మడి ఆదిలాబాద్ ప్రాంతంలోనూ చర్చ కొనసాగుతోంది. తుది నిర్ణయం కాంగ్రెస్ పార్టీ అధిష్ఠానం తీసుకోవాల్సి ఉంది.
