పయ నించే సూర్యుడు నవంబర్ 10 అమలాపురం అమలాపురం ఆర్యవైశ్య సంఘం ఆధ్వర్యంలో కార్తీక వనభోజనాలు భారీ స్థాయిలో ఘనంగా జరిగాయి. ఈ కార్యక్రమంలో నియోజక వర్గ వ్యాప్తంగా ఆర్యవైశ్య సోదరీ సోదరీమణులు పెద్ద సంఖ్యలో పాల్గొన్నారు. ముఖ్యఅతిథిగా రాష్ట్ర ఆర్యవైశ్య కార్పొరేషన్ డైరెక్టర్ కంకటాల రామం పాల్గొన్నారు. ఈ సందర్భంగా సంఘం అధ్యక్షులు, సెక్రెటరీ, కోశాధికారి తదితరులు పాల్గొని కార్యక్రమాన్ని విజయవంతం చేశారు. కార్తీక మాసం విశిష్టతను, వనభోజనాల సంప్రదాయాన్ని నాయకులు గుర్తుచేశారు. ఆర్యవైశ్య సంఘం ఐక్యత, సేవా కార్యక్రమాలు మరింత బలోపేతం కావాలని ఆకాంక్షించారు. అందరూ కలిసి భోజనాలు చేసి ఆత్మీయతను పంచు కున్నారు. ఈ కార్యక్రమం ఆర్యవైశ్య సోదరుల మధ్య అనుబంధాన్ని మరింత పెంచిందని నిర్వాహకులు తెలిపారు. వనభోజనాల వేదిక వద్ద సందడి వాతావరణం నెలకొంది. పెద్దలు, యువకులు, మహిళలు ఉత్సాహంగా పాల్గొని కార్యక్రమానికి ప్రత్యేక శోభ తెచ్చారు. సంఘం ఆధ్వర్యంలో ఇలాంటి కార్యక్రమాలు ఏటా ఘనంగా నిర్వహిస్తామని నిర్వాహకులు తెలిపారు. ఆర్యవైశ్యుల సంక్షేమం కోసం ప్రభుత్వం అందిస్తున్న పథకాలను సద్వినియోగం చేసుకోవాలని ముఖ్యఅతిథి సూచించారు.
